Tsôngv box....! Txix tox xưz poz, đêx nas cuôr yôngz zôngx ziv yưv siv tiv coz nas chuô sôr 11 uô ruôr hiêv, tỉnh Lào Cai tưz chox kriê cxuô luz tsêr cơưv tsuv taz por truôx tuk jông trâu shux xênhz. Đros thiêz chor tsêr cơưv tox siêz shux xênhz nox nhoz hâur tsêr cơưv, cơưv txux chi, têx hnuz no chor shux xênhz nox nhoz hâur tsêr cơưv thiêz tâu chor cưk kriê tsoz phưz jông.

           Luôs hâux lưv taz por muôx txâuk zav nox, đêx hur trâu shux xênhz nox nhoz hâur tsêr cơưv, cơưv txux chi tâu tsêr cơưv bax fuô uô txix ntâu hnuz lok no zos tiêk muôx nas lox ntêr hnuz. Chor nênhs siêz jông têx poz huv muôz puz cux tâu xa lok hâur tsêr cơưv chiê têx nhuôs shux xênhz muôx txâuk nox nhoz, xênhz huôx. Cưk kriê Lương Cảnh Toàn, thơưx seiz car tsêr cơưv Phổ thông Dân tộc niêv txir zus mor cxênhx 2 Thẩm Dương, xã Dương Quỳ, tỉnh Lào Cai heik pâuz: “Coz nas chuô sôr 11, tsêr cơưv muôx tsưr ziv taz por muôx txâuk qơư nox nhoz, cơưv txux chi, xênhz huôx truôx tuk trâu shux xênhz. Têx lênhx nhuôs muôx luz nênhx txov nhêv, njiz trâus phiv liv mak tsêr cơưv muôx iz poz huv puz trâu lênhx nhuôv shux xênhz ntơư”./.

Thanh Thủy-Riê Lâux cxeik, nhênhv

             Têis cik 8/10, ntơưv xar Mường Ảng, tỉnh Điện Biên, Ban chox kriê đề anr 1371 tỉnh tsưr tsix Jiês cơưv yax kriê, piêr pâuz, zoz zux chêi têz qơưk thiêz hêik pêx xênhv uô jông têx chêi têz qơưk shông 2025. Ntu đhâu, côngz xưv yax kriê, piêr pâuz chêi têz qơưk ntơưv Điện Biên tâu kriz uô cxix cxuô, truôx jông, paz gra siêz jênhv pâuz trâu pêx xênhv. Txix hâur shôngk shông txos nhiv no, Bôv Chỉ huy Quân sự tỉnh-cơ quan Thường trực Ban Chox kriê Đề anr 1371 tưz tsưr tsix 45 jiês yax kriê trâu 3.500 lênhx nênhs; uô jông 16 jiês xênhz huôx Hnuz Chêi têz qơưk thiêz Hnuz Chinhr triv, vênhx huôv trâu 1.500 ntâu canr bôv, chiến sĩ. Hâux lưv yax kriê tâu hlôngr yiêz, uô txix ntâu tsưr ziv chiê paz trâu sơưr đơưk pâuz tâu sêi, zôngx ziv đuô txos têz qơưk têx cêr chêi./.

Vũ Lợi-Lik Thox cxêik nhênhv

           Tsôngv box...! Txix iz thax tsav txov nhêv, yeiz pluôs, xã ntus đriv Sin Suối Hồ, tỉnh lai Châu đhâu thâuv tâu yênhx lix txix muôz 3 xã kuz lok uô cê tưz thiêz tsênhv sir jos hlôngr yiêz. Têx huôv tsar, hlôngr yiêz nhoz tox siêz ntus đriv co zos huôv tsar uô nox tâu trơưk têk, hâu nov ntơưv qơư thiêz tsôngv pêx xênhv muôx cêr thôngx siêz, sik đros sir jos hla đhâu phiv liv. Zơưv Hà Mạnh Thắng, Phưv Chủ tịch ủy ban xã Sin Suối Hồ, tỉnh Lai Châu heik pâuz, hlôngr yiêz zuz nôngz tsoz chos, tsiêx tu zus, sir zôngv têx pênhr paz tâu trơưk tsưr ziv...zos iz hâux lưv hâu nov xã Sin Suối Hồ tsênhv sir jos fuô uô: “Chiê tror fuô uô luôs hâux lưv cxuz cêr yeiz pluôs hâur thax tsav, hâur ntu zuor txos, xã Sin Suối Hồ zuôr tror sir jos yax kriê txos trâu pêx xênhv lok Đảng, têz qơưk têx tsưr ziv, chei fuô kriê cik txos tsênhv chei paz tsôngv lax pêx xênhv chiê sơưr đơưk muôx luz nênhx hlôngr yiêz, vav mênhx. Hâur co xã zuôr sir jos trâu iz cxiê hâux lưv huôv tsar kinh tế li: Sir jos huôv tsar uô kôngz, tiv zix zos huôv tsar chos iz cxiê zav tsoz chos yuôx đrox njuôz hâur xuz jôngr, huôv tsar uô têx muôx jông hâur thax tsav li: Chos thiêz tu têx yuôx zêx đros trâu iz cxiê zav kôngz txơưr đuô”./.

Khắc Kiên-Riê Lâux cxeik, nhênhv    

            Hâur 3 luz hli zar đraz kaz shông, đhâu kriz uô chinhr quyền thax tsav qơư 2 cấp, chor sở, nganhx, chor xar, phường nhoz tỉnh Sơn La tưz tsêx trung hêik pâuz, uô truôx jông lơưr Trung ương, tỉnh chox kriê lok phax tar zax zênhz; phuôx huiz tas nro cxiv luôs chinhr triv, chor tsưr tsix kinh têr-xar hôiv thiêz tas nro pêx xênhv li txơưx jênhv hâur côngz xưv phax tar zax zênhz. Chor lưx lươngv muôx vax huôv tưz kriz uô tâu jông côngz xưv qênhz yuôx, pov, thôngz sâu, sêiz car sir zôngv tsik zos chêi zax zênhz, nênhs muôx zênhl zax zênhz, nênhs sêiz car đhâu chiv zênhk zax zênhz; sik côngv kriz uô chor tsưr ziv lok phax tar chor nênhs zuôr muôs zax zênhz, zok cxov chor nênhs uô cxâuv. Pov, xưk li 286 txuz, 336 lênhx nênhs, sâu tsês tâu 10 cir ntâu zênhz đơưz, 77 cxênhz ntâu njiêr yuôx shơư zax zênhz, 65 gam ntâu têx zax zênhz txơưr thiêz iz cxiê zav chuôz zênhx cik txos./.

Báo Sơn La-Lik Thox cxêik nhênhv