Tsâus ntux hnuz xiêz 8/9, Ủy viên TW Đảng, Phưv chủ tịch têz qơưk, Chủ tịch HĐ Cuiv pov tsơv mê nhuôs zâu VN Võ Thị Ánh Xuân đros Trung ương li đoanx côngz xưv tưz cxaz chuôz Hmo hội tsiêz trung thu thiêz khơưk muôz huv trâu shux xênhz tsêr cơuv phổ thôngz mênhx cxưx nội trú THCS huyện Văn Yên, tỉnh Yên Bái đros hlôngr njêx muôk têx mê nhuôk muôx luz nênhx txov nhêv, shux xênhz trâus sêv khiz lok luz chêr sâuv thax tsav huyện.

Ndax six hơưv nox tsiêz trung thu shông 2022, Phưv chủ tịch têz qơưk Võ Thị Ánh Xuân tưz khơưk muôz 400 tsov đeiv trâu mê nhuôk muôx luz nênhx txov nhêv nhoz tỉnh Yên Bái; khơưk muôz 20 phênhv học bổng trâu shux xênhz tsêr cơưv phổ thôngz mênhx cxưx nội trú THCS huyện Văn Yên. Cuiv pov tsơv mê nhuôs VN khơưk muôz 100 phênhv học bổng đros 30 luz yêz tuôv trâu shux xênhz tsêr cơưv. Hôiv mê nhuôk trâus sêv khiz thiêz njuôs nos VN khơưk muôz huv trâu 50 lênhx shux xênhz. Cuiv pov tsơv mê nhuôk zâu tỉnh khơưk muôz 20 phênhv huv trâu shux xênhz muôx luz nênhx txov nhêv, shux xênhz trâus sêv khiz lok luz chêr sâuv thax tsav huyện./.

(VOVTB-Txâur Vax cxeik nhênhv)

Thax tsav qơư Du lịch têz qơưk Mộc Châu (Sơn La) jiês xuz thơưx ciês jênhv tâu giải qơư tuôx ndis shuôk, uô si sơưr thơưx châu Á 2022, ntơưv jiês khơưk muôz giải Du lịch ntiêx têz 2022 thax tsav châu Á thiêz châu Đại Dương tâu tsưr tsix ntơưv Thành phố Hồ Chí Minh nhiv kruôr đhâu. Đros thax tsav jông jav, qiv hơưv lax nziês, qơư Du lịch têz qơưk Mộc Châu muôx têx chiv xênhz jông, muôx ntâu kror qơư jông lok du lịch nhoz Sơn La hêik taz thiêz thax tsav tox siêz Tây Bắc hêik cxuô. Têx kror jông jav ntơưv Mộc Châu tsênhv zaz zâuv tsôngv kruô tuôx ndis shuôk nhoz cxuô chêix hâur shông. Li chêix ntux yiêz mak muôx têx pax txir đuôx, txir khơưz. Lok sik chêix so sor muôx chor yuôx zêx njuôz xiêz, txir khơưz đuz siêr; đros têx pax dã quỳ thiêz têx paz jâuz njuôz jông gâux… tưz zos yênhx têx kror jông chiê zaz zâuv tsôngv kruô tuôx ndis shuôk thiêz uô si./.

(Lê Hạnh-Lik Thox cxêik nhênhv)

Lai Châu tâu ntâuk grê zos muôx ntâu trôngz jôngr ntông jông jav, muôx têx tsiv grê lok lix xưv, vênhx huôv têx mênhx cxưx jông, muôx têx cêr uô nênhx thiêz zav nox kaz nto bê nhoz têx thax tsav zos iz kror muôx jos chiê huôv tsar ju lix côngv thôngx. Têx shôngk jê ntơưv no, hâux lưv huôv tsar ju lix côngv thôngx lơưr saz truôx vênhs tâu Lai Châu tsov cưv chox lok hâur tsưr ziv huôv tsar ju lix cxuô hâur tỉnh ntu 2020-2030. Ju lix côngv thôngx zos tsưr ziv uô chox lok ntâu liv zix huôv tsar kinh têr truôx vênhs tiv zix trâu tsôngv box sâuv thax tsav. Đhâu co, paz tsôngv box por vêv tênhx qơư, trôngz jôngr ntông, thôngx cxix tuôr tsês thiêz phuôx huiz têx tiv phaz li têx vênhs huôv jông..../.

(Baodansinh-Txâur Vax cxeik nhênhv)

Tsik khênhr tso yar têx tsiêx cxu taz sik cux paz trâu pox nhuôs huôv tsar kôngz nuv zos tsưr ziv jông tsênhv tâu ntâu thax tsav qơư nhoz Thax tsav Du lịch Têz qơưk Sa Pa kriz uô chiê tuôr tsês tsôngv kruô. Nhiv no, Tả Phìn muôx 200 ntâu ziv chuôz zis huôv tsar tu zus tsiêx cxu, đros tas nro muôx zuôr xar 500 tuk nhux, tưv. Tả Phìn cux tâu sêiz zos “thax tsav qơư” muôx ntâu địa lan nhoz Sa Pa. Thâuv tâu hêik cov tsik tso yar têx nhux tưv, chor qir têx tsiêx cxu hâur tu zus cơư guôx co cux tâu pox nhuôs sir zôngv paz trâu uô kôngz lôngk. Tix lâus Khoa Xênhv Zax, jok Lủ Khấu, xar Tả Phìn puz pâuz:

Băng Tiếng Mông

Jêx jok hur đu, jông gâux, pêx xênhv cux tsênhv tuôr tsês chiê tâu têx vênhx huôv jông cxôngx nzor. Tả Phìn tsik so zos kror qơư tâu chôngz tsôngv kruô nhiêv txos thâuv tuôx trâu Sa Pa, tiv zix zos tsôngv kruô saz đrâuv têz qơưk. Đhâu co, paz thơưz huôv tsar du lịch côngv thôngx, gra siêz phênhv sâu trâu pêx xênhv./.

(An Kiên-Lik Thox cxêik nhênhv)