Zar hnuz kêix xiêz 09/10, tỉnh Phú Thọ Đại hội sik tưr nhiêv têz qơưk jiês tiv I, ntu 2025-2030 đros njiêz luk “Sik tưr hlôngr yiêz, xar tơưv txux chi jông, cxiv tsa tỉnh Phú Thọ huôv tsar, vav mênhx; đros têz qơưk hlôngr yiêz thiêz huôv tsar”. Phưv Chủ tịch têz qơưk Võ Thị Ánh Xuân, Phưv Chủ tịch tiv iz Hôiv đôngx sik tưr nhiêv têz qơưk-khơưk kruôs T.Ư tuôx dưv thiêz heik chox kriê Đại hội.

         5 shông đhâu, phôngz yaox sik tưr nhiêv têz qơưk nhoz Phú Thọ tâu fuô uô đêz đar, paz tsưx phưv truôx phênhv sâu tâu xav kror đruôz đraz 7,5% iz shông, iz lênhx nênhs muôx phênhv sâu tâu 105 tsov đeiv, chor chuôz zis pluôs txo grêk yuôr zuôr xar 3%. Phưv Chủ tịch têz qơưk kruôs txos tỉnh têx sir jos uô tâu jông, iz chas ntơư heik Phú Thọ tror hlôngr yiêz, xar tơưv tsưr ziv, krêz uô têx muôx jông, sir jos txos shông 2030 yênhx thax tsav huôv tsar truôx jông, jux juk yênhx iz đrôngs nhoz hâur T.Ư lok shông 2045./.

Thừa Xuân-Riê Lâux cxeik, nhênhv

           Hmo 10/10, tỉnh Sơn La zuôr tsưr tsix Ntênhk chiv nhênhv 130 shông Hnuz yênhx lix tỉnh (10/10/1985-10/10-2025) ntơưv Quảng trường Tây Bắc, phường Tô Hiệu. Tsaz yênhx muôx phênhv ntênhk thiêz nthuôr uô cêr lov jêv, muôx ntau nghệ sĩ nto bê đros 1.000 ntâu lênhx diễ viên cxaz chuôz.

        Xor xưv tror hêik txos 130 shông cxiv tsa thiêz huôv tsar Sơn La, khav tênhv têx uô tâu hâur ntu hlôngr yiêz, hôiv nhập./.

Lê Hạnh-Lik Thox cxêik nhênhv

           Cux nhoz hâur têx hâux lưv chiv nhênhv 130 shông yênhx lix tỉnh Sơn La, txix hnuz xiêz 08-12/10, ntơưv Quảng trường Tây Bắc, tỉnh Sơn La tưz uô Hội ciêz cxơưz cxiz muôv muôs kôngz nuv thiêz têx xiv huv OCOP thax tsav Tây Bắc-Sơn La shông 2025. Co zos xor xưv zov chênhr chiê chor tỉnh Tây Bắc piêr suôz bê, cxơưz cxiz zuôr muôs kôngz nuv, xiv huv jông đros tas nro têz qơưk.

         Pos Lê Thị Hồng Anh, Giám đốc Tsênhv qơư cxơưz cxiz yưv pênhr uô, muôv muôs thiêz ju lix tỉnh Sơn La heik pâuz: “Pêz cux xar thôngz đhâu hội ciêz jiês no, tas nro cxuô tỉnh, TP hâur hur si têz qơưk cux li Sơn La muôx têx sik paz sâu zuôr têx hax huv uô tâu, siz kriê tsưr ziv uô nox, chiê uô tâu têx xiv huv trơưk siêz xar, cov pêx xênhv Sơn La muôx têx tâu siv, pâuz txos 2 chas tỉnh hâur tas nro têz qơưk têx xiv uô tâu jông, nox kaz cux li chor tỉnh, TP hâur thôngz têz qơưk muôx têx pâuz mênhx txos Sơn La têx kôngz nuv. Lok sâuv tỉnh Sơn La, phênhv sâu cxuô xã, phường puôr lênhx cxaz chuôz tsaz yênhx, pêz cux muôx tỉnh Sơn La têx cui tinhv tsênhv tsênhz, co zos tas nro têx xiv huv tưz uô tâu jông, tax OCOP....”./.

Lê Hạnh-Riê Lâux cxeik, nhênhv

          Zar hnuz kêix 9/10, Ủy ban xã Nà Tấu, tỉnh Điện Biên Phủ tsưr tsix hêik pâuz thiêz muôz Ntơưr côngz jênhv Di sản vênhx huôv phiv vật thể têz qơưk trâu mênhx cxưx Thái tỉnh Điện Biên li kỹ thuật hiêz tơưz txix chor shôngz.

         Hâux lưv hiêz tơưz ntơưv Nà Tấu tâu uô txix ntêr lok, uô txix chor zav muôx ntơưv qơư thiêz tâu tuôr tsês, huôv tsar đhâu cxuô cxênhx nênhs. Txix têx tsưr ziv uô, lơưr uô tâu chor tơưz, tos, trôngx… phưx vưv trâu luz nênhx yênhx hnuz.

          Đhâu nriêr pâuz, Bôv Vênhx huôv, Thể thao thiêz Du lịch tưz hêik pâuz mênhx cxưx Thái Điện Biên li kỹ thuật hiêz tơưz, trôngx, tos no zos Di sản Vênhx huôv phi vật thể têz qơưk lơưr Bôv Vênhx huôv, Thể thao thiêz Du lịch Cuêz tênhv sôr 1659 hnuz 3/6/2025.

           Côngz jênhv no tưz tsik zos paz trâu pêx xênhv Điện Biên shir phaz mak tsênhv paz trâu thax tsav qơư tror sir jos tuôr tsês thiêz phuôx huiz chor tsiv gri vênhx huôv mênhx cxưx cxôngx nzor./.

Báo Điện Biên-Lik Thox cxêik nhênhv