Zos iz hâur têx thax tsav qơư muôs hax huv tsar ndê siêz hâur tas nro têz qơưk, hâux lưv sêiz car truôx jông gri muôs hax huv đhâu chuôz ndê nhiêx hli zos jênhv vưv zov chênhr tsênhv tsuv tâu sir jos kriz uô ntơưv tỉnh tox siêz Lào Cai. Lơưr zơưv Trịnh Xuân Trường, Chủ tịch Ủy ban tỉnh Lào Cai, txơưv chor nênhs tâu ndê nhiêx hli muôx tsơưs hâur nền kinh têr taz sik cux muôx chuôz ndê gri muôs hax huv sâuv ciêz đrôngs, viv li tsuv qênhz yuôx jông. Chiê uô lơưr Thủ tướng Chinhr phuv li công tênhv 61 lok chuôz cxaz sêiz car gri muôs hax huv. Đros qênhx shênhx no, Ủy ban tỉnh Lào Cai tưz muôx ntâuz ntơưr chox kriê têx nganhx, thax tsav qơư sêiz kaz jông ciêz đrôngs, muôx tsưr ziv tsik chiê gri txơưr txar ntâu, tiv zix zos têx hax huv sir zôngv, zav nox, chuôz lov cxiv tsa, tsêr nhoz, hax huv du lịch../.

An Kiên-Lik Thox cxêik nhênhv

Hâur 6 luz hlik hâur shôngk shông, tas nro tỉnh Sơn La tưz muôs tâu xar muôx 190 cxênhz tênhr têx txir ntông cxuô zav, njuôk xav tax tâu 2.500 tyv đeiv. Hâur co, têx txir ntông muôs trâu luôs 2 chas têz qơưk tax 12 cxênhz ntâu tênhr, njuôk xav tâu nhos 80 ntâu tyv đeiv, phênhv ntâu zos têx txir mo môngk, txir tsơưz, txir lưk hmaz, txir thanh long..... Iz chas ntơư, txir khơưz Sơn La tưz tâu HTX Noong Piêu ntơưv huyện Yên Châu (Sơn La) piêr kriê thiêz muôs hâur ciêz đrôngs châu Âu 10 tênhr. Iz cxiê zav kôngz txơưr đuô li: Cà phê, yuôx zêx thiêz têx xiv huv txix kok ntông cux tâu muôs ntâu trâu luôs 2 chas thax tsav, têz qơưk đrâuv, xav hur si muôx nhos 81 cxênhz ntâu tênhr, njuôk xav tax tâu 86 tsov ntâu USD. Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz:

“Sơn La zuôr tror cxaz chuôz têx hội ciêz lox sâuv ntiêx têz xưk li thâuv ntêx cxaz chuôz hội ciêz Milan đros 196 luz têz, cxaz chuôz hội ciêz Nam Ninh (Trung Quốc)..... Shông no zuôr tsuv cxaz chuôz ntơưv ciêz đrôngs Thái Lan; lok sik tsưr tsix ntơưv Bắc Kinh (Trung Quốc) chiê ziv hnuz ziv piêr kriê tâu ntâu têx hax huv txos trâu chôngz lênhx ntâu tus pâuz txos.....”./.

Thu Thùy-Riê Lâux cxeik, nhênhv

Hâur 6 luz hli kaz shông zos shông du lịch têz qơưk 2024, tỉnh Điện Biên zuôr tror tsưr tsix ntâu huôx tôngv lox chiê zaz zâuv tsôngv kruô, hâur co muôx tsưr tsix Ntênhk hội khinh khí cầu, njuôk xav zuôr tsưr tsix trâu hli 9. Zơưv Nguyễn Minh Phú, Giám đốc Sở Vênhx huôv, Thể thao thiêz Du lịch tỉnh Điện Biên puz pâuz: hâur 6 luz hli hâur shôngk shông, thôngz đhâu muôx ntâu huôx tôngv, xor xưv, tiv zix zos hâux lưv tsưr tsix shông du lịch têz qơưk Điện Biên 2024 thiêz Ntênhk Chiv nhênhv 70 shông Ntâuk zênhx tros châuz ntơưv Điện Biên Phủ chor kruô du lịch tuôx trâu Điện Biên tưz chuôz ndê lok six chôngz. Chor kruô du lịch njuôk xav muôx 1,3 triệu ntâu lênhx nênhs, ndê siêz đuô 2,19 jiês pir li shông uô ntêx; tas nro phênhv sâu njuôk xav tâu xar muôx 2.500 tiv đêiv:

“Ntênhk suôv câuv shông du lịch têz qơưk ntơưv Điện Biên thiêz ntâu huôx tôngv txơưr zuôr zos chor xor xưv tror kriz uô hâur chor huôx tôngv shông du lịch têz qơưk Điện Biên 2024. Thiêz đhâu co tỉnh Điện Biên vav tiêk zuôr zaz zâuv tâu tsôngv kruô tuôx trâu Điện Biên cov truôx jông, muôx nriêr pâuz, xar sêiz shuôk thiêz pov tâu ntâu kror jông sik txơưr thâuv tuôx trâu Điện Biên”./.

Vũ Lợi-Lik Thox cxêik nhênhv

Nhiv kruôr đhâu, Cơ quan Cảnh sát qênhz yuôx, Công an tỉnh lai Châu tưz tso tơưv Quyết định xơưz xưv txuz “uô cxâuv têx cui tinhv lok truôx tuk lox tôngv” muôx yưv hnuz 11/7 ntơưv côngz trênhx đêx tênhv Nậm Cuổi 1, xã Nậm Hàng, huyện Nậm Nhùn, tỉnh Lai Châu, uô 03 lênhx công nhân trâul tuôs.

Tsênhv tsênhz, zuôr xar 4 six sơưr nzor hnuz 11/7, Công an tỉnh Lai Châu txeik tâu mông heik pâuz lok têx tsi jông thâuv cxiv puôz njưk tar đêx tsêr meir tênhv Nậm Cuổi 1, hâur thax tsav xã Nậm Hàng, huyện Nậm Nhùn, uô 03 lênhx công nhân trâul khuôz đêis hâur kror tâuz tơưv tsi tâu lok. Công trênhx đêx tênhv no zos công ty Nậm Cuổi 1 uô tsưr yưv pênhr uô, công ty T& Đ 86 zos taz viv cxiv tsa. Đhâu hlo txeik tâu mông, lưv lươngv Công an tỉnh Lai Châu tưz muk qênhz yuôx, qênhz shuôs qir tiv. Thâuv qênhz yuôx, zok nriêr, lưv lươngv chơưv paz tưz qênhz pov 03 lênhx công nhân trâul tuôs. Nhiv no cơ quan Cảnh sát qênhz yuôx tsênhv tror qênhz yuôx chiê uô tsênhz mênhx qir tiv./.

Khắc Kiên-Riê Lâux cxeik, nhênhv