VOV4.Sêdang - Drêng troh a Hneăng hôp khu kăn xiâm roh má Pái Khu xiâm ngăn ‘na kơpong kroăng Mekong a Siam Reap, kong têa Kul, a kơxê hâi lơ 4/4, pôa Nguyễn Xuân Phúc, Ngế pro xiâm hnê ngăn Chin phuh hiăng ai roh trâm tơpui tơno [ă pôa Samdech Techo Hun Sen, Ngế pro xiâm hnê ngăn kong têa Kul.

Péa pâ xuân hiăng môi tuăn pơtối po hên mâu roh ăm mâu kăn xiâm châ trâm, tơpui tơno dêi pó; tơru\m tơku\m po tơniăn Hneăng hôp roh má 16 Vi [an tơru\m cheăng pơla Việt Nam [ă Kul ‘na tơru\m pêi cheăng kâ, mơhno túa le\m tro, khoa hok kih thuât, po a Hà Nội sap ing hâi lơ 16 troh lơ 18/5/2018.

Péa pâ hiăng tơpui tơno hên mâu tơdroăng ki péa tơnêi têa rơtế vâ ‘nâi ple\ng, tung mê, ai tá ‘na troăng tíu tơkăng kong, mơngế xiâm rêi Việt Nam la rêh ối a kong têa Kul [ă hên mâu tơdroăng ki ê hía; hâk kơdeăn mâu tơdroăng kơdo mơ-eăm dêi Vi [an Tơru\m cheăng tung tâp tơneăn drô tíu tơkăng kong pơla péa pâ tơnêi têa hiăng pêi pro hên tơdroăng cheăng ki kân tung mâu khế hơnăm hiăng luâ, [ă pói rơhêng vâ péa pâ pêi pro klêi hnoăng cheăng kố rế re\ng rế ‘ló.

Péa pâ xuân vâ môi tuăn tơru\m cheăng, mơnhên tâi tâng mâu tơdroăng ki ai tơdjâk troh ‘na luât pơkâ ki nhên [ă xiâm rêi mơngế Việt Nam rêh ối a kong têa Kul xuân tro tiô luât dêi kong têa Kul [ă hiâm mơno ki tơru\m krá khât pơla péa pâ tơnêi têa.

Nhat Lisa tơplôu [ă tơbleăng