VOV4.Sêdang - Tối tơbleăng dêi Khu hnê mơhno cheăng Tơnêi têa ‘na hbrâ ví xía vâ xua kong prâi oh tá tơniăn, kong mêi kân têa lân lu a kơpong tơdế tơnêi têa, Tây Nguyên hiăng pro 15 ngế hlâ, 6 ngế hía, chât rơpâu toăng hngêi tơhnâp, tro têa mơhiu, têa lu. Tiah mê, Phú Yên cho kong pơlê ki tro lu\p hên, ai 7 ngế hlâ, pơtối mê Quảng Bình 3 ngế hlâ, Quảng Trị 2 ngế hlâ, Bình Định 2 ngế hlâ, Daklak 1 ngế hlâ. Kong mêi kân têa lân lu pro 6 ngế hía, a mâu kong pơlê Quảng Bình, Quảng Ngãi, Phú Yên, Kon Tum. Pak^ng mê, lối 45 rơpâu toăng hngêi tơhnâp, tro têa mơhiu, têa lu xua kong mêi kân pro, 12 rơpâu ha báu, prá, alâi, loăng plâi rêm hơnăm tro têa lu. Khu hnê mơhno cheăng tơnêi têa ngăn ‘na hbrâ ví xía vâ pơkâ thế mâu kong pơlê pơtối séa ngăn vâ ‘nâi tơdroăng têa lu, hbrâ djâ kuăn pơlê lo ing kơpong ki rơ-iô, châ hdâ ing kơpong têa lu, tơnêi tơhnah tơhnâp. Đi đo séa ngăn ‘na rak tơniăn a long, rơchôa, tơniăn a tâi tâng rơchôa pá hdroh, malối a mâu long, rơchôa ki dế mơ’no têa pêng plế, tơku\m ivá cheăng vâ tơkâ hluâ xơpá, tơku\m ngăn vâ ‘nâi tơdroăng ki xía vâ.

Gương tơplôu [ă tơbleăng