VOV4.Sêdang - Pôa A Thui, hdroâng Bơhnéa ối a pơlê Kon Trang Long Loi, pơlê kân Đăk Hà, tơring Đăk Hà, kong pơlê Kon Tum cho môi ngế ki rơkê hên tơdroăng. Ti xê rơkê to rêi prôa, têng nêng [ă mơjiâng hên khu prôa kuăn ngo, mê pôa A Thui ối cho ngế thái ki kơhnâ khât [ă tơdroăng hnê ‘măn ăm khu rơxông nếo.

Rơpo\ng pôa A Thui rêh ối tung môi toăng hngêi trá tiô khôi hmâ dêi mơngế Bơhnéa a pơlê Kon Trang Long Loi. Tung kơdrum tâ tá hngêi mê ai mâu um loăng cho xua tơná pôa pong rơgi, mơjiâng dêi xêh. Pak^ng mâu um ki mê, xuân ối ai plong loăng ki hiăng ton [ă mâu prôa, têng nêng ki hiăng tơ’nhê châ ‘măn môi víu.

A Thui ai tối mơnhên tiah kố: Hdrối nah, ngin hmâ pong rơgi loăng [ă pro loăng plong, achê pơla kố, xua tơvâ hên tơdroăng cheăng, xua ai hên tơdroăng po mơd^ng mê á khoh pơtê tơdroăng ki hâk git dêi tơná.

Ối a tơdế hngêi trá, A Thui rêi môi [ai, ai inâi ‘’Tơdrá ki pro tơhmâ a ngo’’ xua pôa tí tăng chêh bro xêh rêi [ă têng nêng. Pôa A Thui hơ’muăn tối: ‘’Têng nêng mê pôa pro [ă klo\ng phêa [ă tung pơla mơjiâng pro ga ton hâi, pro rơhí rơhó. Drêng pơxiâm rêi têng nêng, vâi athế lăm tung kong vâ rah xo phêa ki hlá hiăng prong, hiăng khăng vâ ko xo klo\ng ga têng a drá on 1 troh 2 khế mê nếo xo ‘véa, pong, rơgi.

Pôa A Thui tơno tối hên túa hơkâ ki vâ xua tung roh leh mơd^ng

Têng nêng ki vâ ăm vâi rơtăm rêi thông khu vâi droh, cho vâ mơhno tối tuăn  mơno dêi ngế rơtăm [ă vâi droh, lơ ngế kơnốu [ă ngế kơdrâi, lơ pú hmâ, mâu chiăng va#i. Têng nêng hiăng chiâng prôa ki mơhno tối tuăn mơno mơjo pâ, vâi dêi pó dêi mơngế Bơhnéa ki rêh ối a kong kế, ngo ngối kân krip’’.

Têng nêng, lơ không, prôa uâ cho mâu prôa ki hmâ rêi mơđah adrêng [ă chêng koăng tung mâu hâi leh mơd^ng. Ki u ối, tâi tâng mâu prôa ki tiah hmâ ki ê dêi hdroâng Bơhnéa, pôa pơrá chiâng rêi, chiâng mơjiâng bro, tung mê ai tá têng nêng, prôa kơxái, hơkâ [ă ‘mâi rơnêu idrâp dêi chêng koăng, prôa uâ, cho kơni, không, klo\ng put [ă hên h^n mâu prôa ki ê.

Ti xê to chiâng rêi hên khu prôa, mê pôa A Thui ối hlê ple\ng nhên ‘na tơdrá, pôa ối hnê tơ-[rê ‘nâng ‘na tơdrá, xua mê pôa khoh chiâng mơngế thái ki hnê tơdrá. Pôa A Thui tối: ‘’Hên ngế rơkê ‘nâng tung rêi têng nêng, xua tá hâi teăm hlê ple\ng tơdrá mê tơdroăng ki hnê ăm mâu hok tro khoh chiâng trâm pá. Pin athế ngăn tiô kơ rêm tơdroăng ki rơkê lơ ôh dêi tơrêm ngế hok tro, pin athế hnê vâi ‘nâi rơkê tơdrá ‘nôi mê ga nếo chiâng.

Drêng mâu vâi o, vâi muăn hlê nhên ‘na tơdrá mê vâi kô re\ng tơ’lêi vâ rêi têng nêng, to\n mâu prôa, chêng koăng lơ hơkâ.

Pôa A Thui kơtúa dêi chêng koăng ai chêh tu\m tơdrá vâ tơ’lêi tung hnê hriâm

Dế nôkố, pôa A Thui cho ngế pơkuâ ngăn hơdruê xuâng, to\n chêng tơgôu koăng dêi pơlê Kon Trang Long Loi, tung mê ai 42 ngế, đi đo lăm mơđah tơdroăng to\n chêng tơgôu koăng drêng po leh mơd^ng tung pơlê, cheăm, tơring. Lâm ki hnê

nôkố dêi pôa A Thui xuân dó inâi ‘’Kâu lăk [o# hơdruê xuâng roh vâi krâ nah dêi pơlê Kon Trang Long Loi’’.

Veăng kum hnê mơjiâng ăm khu vâi hdrêng ‘na chêng koăng, rêi prôa, to\n không, rơngêi ting ting, kơhnhon xuâng tiô túa vâi krâ nah, klêi mê, xuân ối châ pơtối veăng kum rak vế, ‘măn chôu khôi túa le\m tro dêi pơlê cheăm, pôa A Thui hâk tơngăm hiăng châ tơnêi têa pôk pơ-eăng inâi Nghệ nhân Ưu tú. Ti xê to tiah mê, pôa A Thui ối cho ngế pêi chiâk deăng rơkê dêi pơlê Kon Trang Long Loi, rơpo\ng hngêi pôa hên hơnăm châ pôk inâi ‘’Rơpo\ng mơhno túa le\m tro’’.

Hlá tơbeăng Kon Tum

Nhat Lisa tơplôu [ă tơbleăng