VOV4.Sêdang - Nhôm tơ’lêi tâ tú pơreăng COVID-19 troh lâp lu, a kong pơlê Bình Dương tơdjâk kơpong hngêi ăm tơmối mung ối dêi mâu kŏng nhân pêi cheăng ƀă kơpong hngêi kơmăi. Tơdroăng mê châ Khu hnê mơhno Tơnêi têa ‘na hbrâ mơdât pơreăng COVID-19 tơbleăng a rôh hôp mơ’no tơdrêng tung um tơvi ƀă mâu kăn kong pơlê Bình Dương, kơxo lơ 30/6. Pôa Vũ Đức Đam, Ngế pro xiâm phŏ hnê ngăn tơnêi têa, Ngế pơkuâ hnê mơhno pơkuâ hneăng hôp. Tơdroăng tối a rôh hôp, riân troh nôkố, Bình Dương hiăng ai lối 300 ngế tâ COVID-19, tung mê kơxô̆ F0 hlo ai a 32 kŏng ti, tung kơpong hngêi kơmăi hiăng tối ai 39 ngế F0. Ai 3 tíu ki tâ tú hên a kong pơlê ƀă hiăng tâ troh 10 to bêng dêi 3 tơring ƀă pơlê kong kơdrâm.

A rôh hôp, pôa Vũ Đức Đam, Ngế pro xiâm phŏ hnê ngăn  tơnêi têa thế, Bình Dương kơdroh tơkŭm krâm mơngế, thế tơtrŏng ƀă mâu khu ki tơ’lêi tâ tú; Kal thế klâ pro 2 rôh khăm ngăn mơheăm, khăm tung kuăn pơlê ƀă mâu khu ki nhôm tơ’lêi tâ tú, thế mơdêk hnoăng cheăng xo ngăn mơheăm ƀă mơ-eăm tung 24 chôu thế châ khăm ngăn mơheăm ƀă kô mơ-eăm pêi pro tơdroăng realtime PCR túa ki tơkŭm.

Gương tơplôu ƀă tơbleăng