VOV4.Xơ Đăng - Tây Nguyên sap ing roh chal krâ nah hiăng cho kơpong tơnêi ki ai hên tơdroăng hơ'muăn, xôi kiâ, ai ta tơdroăng hdrôu, rơngê rơngối. Tơkéa vâ tối, rêm hdôu ngo, rêm thông têa kroăng, rêm ƀăng kong ilâng pơrá ai hên tơdroăng ki hơ’muăn tối mâu tơdroăng koi pơrá phá dêi pó. Amê, tơdroăng ki ai mâ dêi mâu khu xeăng môi tiah Xeăng Plêng, Xeăng Tơnêi, mâu kăn pơtáu môi tiah Pơtáu On, Pơtáu Têa, Pơtáu Khía. Mơngế Jarai a Tây Nguyên pơrá ai tối, têa cho ki xiâm dêi tơdroăng rêh ối.