VOV4.Sêdang - Vâ tŏng kum ƀă rơnêu teăm tơdrêng, châ tơƀrê ăm tơdroăng hbrâ, mơdât pơreăng COVID 19 tung Pơlê kong kân Hồ Chí Minh ƀă mâu kong pơlê peăng Hdroh tơnêi têa, Ngế pro xiâm hnê ngăn Chin phuh nếo kĭ mơ-éa kơxô̆ 970 ‘na mơjiâng ‘’tôh pêi cheăng ki phá krê’’ hbrâ, mơdât pơreăng COVID 19. Ngế pro xiâm hnê ngăn tơnêi têa pơkâ mâu Ngế xiâm:  Ngế xiâm pơkuâ cheăng lêng; Ngế xiâm pơkuâ Kơmăi kơmok – tê mơdró; Ngế xiâm pơkuâ ‘na pêi chiâk deăng ƀă mơnhông thôn pơlê; Ngế xiâm pơkuâ troăng prôk ƀă rơxế kơtâu, Ngế xiâm pơkuâ mơjiâng pro kế tơmeăm khoăng; Ngế xiâm pơkuâ tơdroăng kal tiô troăng um tơvi, rơ’jíu ƀă Internet, Ngế xiâm pơkuâ cheăng pêi – Mô đô̆i rong ƀă pơlê pơla tiô tơdroăng cheăng, hnoăng cheăng châ pơcháu, mơjiâng tơdrêng ‘’Tôh pêi cheăng ki phá krê’’ hbrâ, mơdât pơreăng COVID 19 dêi rêm Khu xiâm, tơrŭm krá tơniăn ƀă Pơlê kong kân Hồ Chí Minh ƀă mâu kong pơlê peăng Hdroh tơnêi têa, ki má lối cho mâu kong pơlê dế pêi pro Pơkâ kơxô̆ 16 hbrâ pơxâu phak, tơleăng tơdrêng mâu tơdroăng ki nếo ai tung hbrâ, mơdât pơreăng ƀă mâu tơdroăng ki tơdjâk.

Kố cho hnoăng cheăng ki kal, thâ rĕng pêi pro; Ngế pro xiâm hnê ngăn Chin phuh pơkâ mâu Ngế xiâm tơkŭm hnê mơhno pêi pro, rĕng mơnhông châ tơƀrê hnoăng dêi Tôh pêi cheăng ki phá krê’’.

A Sa Ly tơplôu ƀă tơbleăng