VOV4.Sêdng - Kơxê lơ 6/7, Khu pơkuâ vâi kơdrâi kŏng an kong pơlê Dak Lak tơrŭm ƀă mâu ngế ai tuăn hơ-ui kum a pơlê kong kơdrâm Ƀuôn Ma Thuột, tơkŭm veăng tơlo 20 tơmeăm khoăng, mê cho: Kơchâi drêh, phái, plâi kâ ƀă hía hé, pơto troh a Pơlê kong kân Hồ Chí Minh xing xoăng ăm kuăn pơlê dế rêh ối tung mâu kơpong, tíu klâ kơtăn COVID 19. 20 tâ̆n tơmeăm khoăng kố kô châ djâ troh Hngêi pơkeăng khu lêng 175 a pơlê kân Gò Vấp ƀă mâu tíu pế pơchên hmê kơchâi kâ tơkŭm a mâu kơpong klâ kơtăn a mâu pơlê kân, tơring dêi Pơlê kong kân Hồ Chí Minh.

20 tâ̆n tơmeăm kâ rêm hâi troh ƀă mâu kơpong klâ kơtăn tơkŭm a Pơlê kong kân Hồ Chí Minh

Tung kơchơ tê mơdró Bình Điền, cho kơchơ ki kân má môi dêi pơlê kong kân thế pơtê pêi cheăng vâ vêh tơkŭm po tơdroăng hbrâ mơdât pơreăng, mê nâ o tung Khu pơkuâ vâi kơdrâi kŏng an kong pơlê rơtế ƀă mâu ngế ai hiâm mơno hơ-ui kum pói tơngah tơdroăng veăng tơlo mơhé kŭn, xuân kum mơhnhôk kuăn pơlê a Pơlê kong kân Hồ Chí Minh tơkâ hluâ pá puât.

Tung la ngiâ, Khu pơkuâ vâi kơdrâi kŏng an kong pơlê Dak Lak pơtối mơhnhôk veăng tơlo mâu tơmeăm khoăng ki kal xúa rêm hâi vâ pơtroh mâu kơpong, tíu klâ kơtăn tơkŭm a Pơlê kong kân Hồ Chí Minh.

A Sa Ly tơplôu ƀă tơbleăng