VOV4.Sêdang - Tiô ăm ‘nâi ing Khu hnê mơhno hbrâ mơdât pơreăng COVID-19 kong pơlê Dak Lak, tung hâi lơ 26/7, kong pơlê kố hiăng tối ai tơ’nôm 11 ngế tâ tú SARS - CoV-2, tung mê ai 6 ngế tâ tú tung kuăn pơlê. Krông Năng tơring ki ai ngế yương tĭnh ƀă SARS –CoV-2 hên má môi, ai 5 ngế. Pơlê kong kơdrâm Ƀuôn Ma Thuột ai tơ’nôm 3 ngế tâ tú SARS –CoV -2. Tơring Ea Kar ai 2 ngế tơdjậk troh ngế ki tâ tú ing kong pơlê Bình Dương. Tơring Krông Pač ai 1 ngế ki lo ing Pơlê kong kân Hồ Chí Minh. Tơdjâk troh 6 ngế ki tâ tú tung kuăn pơlê châ ‘nâi tung hâi lơ 26/7, kơvâ ngăn pơkeăng Dak Lak hiăng tí tăng, djâ klâ krê ƀă khăm ngăn xo mơheăm test rĕng 14 ngế F1; Hnê mơhno dêi Tíu xiâm ngăn pơkeăng pơlât mâu tơring pêi pro tiô hnê mơhno xôh pơkeăng a kơpong hngêi ngế ki tâ tú tíu ai ngế ki tâ tú mot pôu.

Hên tíu gâk ngăn a Dak Lak châ mơjiâng pro vâ mơdât pơreăng tâ tú

Tiah mê, riân troh 17h hâi lơ 26/7, Dak Lak hiăng ai 128 ngế yương tĭnh ƀă SARS –CoV -2 a 13/15tơring, pơlê kong krâm ƀă pơlê kong kơdrâm. Péa 

Gương tơplôu ƀă tơbleăng