VOV4.Sêdang - Kăn pơkuâ Tíu xiâm mơdât pơreăng kong pơlê Dak Lak mơnhên, a kong pơlê nếo châ hlo tơ’nôm môi ngế dương tĭnh ƀă SARS – CoV-2. Mê cho Y.T.H’M, ối a ƀuôn Dranh A – cheăm Dak Liêng, tơring Lak, cho kŏng nhân a pơlê kong kân Hồ Chí Minh. Hâi lơ 26/6/2021 ngế ki kố to rơxế ing pơlê kong kân Hồ Chí Minh vêh a hngêi. Kơxo hâi lơ 27/2, troh tơdế tơring vâ tối ăm ƀok thái pơkeăng.

Klêi kơ’nâi khăm rĕng ăm hlo dương tĭnh ƀă SARS-CoV2, kơ’nâi mê khăm ƀă PCR xuân ăm hlo dương tĭnh SARS-CoV-2. Kơvâ cheăng hiăng djâ 3 ngế cho F1 lăm klâ kơtăn tơkŭm, xo mơheăm khăm ngăn 26 ngế ki ối achê; pro tíu gak ôh tá ăm lo pa kong a ƀuôn Dranh A ƀă xôh pơkeăng kơdê pơreăng rơtâ tá kơpong rơpŏng ngế ki tro tâ pơreăng kố rêh ối. 18 ngế ki to tung rơxế ƀă ngế ki kố ing Pơlê kong kân Hồ Chí Minh vêh a Dak Lak xuân châ klâ krê.

A Sa Ly tơplôu ƀă tơbleăng