Ngăn mâu pêap lối 2.500 to thế hdroh chôu xua tâ tú pơreăng A H5N6, jâ Lê Thị Sáu ối a thôn  2, cheăm Hòa Lễ, tơring Krông Bông, kong pơlê Dak Lak ôh tá kâi gât dêi têa mâ. Xua hâi teăm châ 2 khế ‘no liăn rôe hdrê păn mâu pêap ki mê, rơpo\ng hngêi hiăng hía tâi vâ chê 160 rơtuh liăn. Jâ Sáu ăm ‘nâi, lối 13 hơnăm pêi cheăng păn pêap, hâi hlo la lâi jâ trâm tơdroăng ki pêap hlâ hên môi tiah hơnăm kố. Bú tung 3 hâi hlo piâp tâ pơreăng, mâu pêap dêi rơpo\ng hngêi jâ hiăng hlâ vâ chê 1.000 to.

‘’To lâi hâi hdrối kố nah xuân ối hlo dêi pêap po kâ mơdrăn tá hâi hlo ai tơdroăng klâi, nếo 2, 3 hâi kố kơdrâ hlo pêap hlâ. A xuân pâk pơkeăng mơdât pơreăng, ăm ôu tu\m pơkeăng la to lâi hâi kố pêap gá hlâ ôh tá teăm hlo. Xua a che\n hên mê a chiâng mơ-eăm păn pêap vâ hí tăng liăn tơveh dêi che\n, kơbố ‘nâi hdrối tiah kố thăm rế che\n tơ’nôm nếo’’.

Ôh tá xê to pêap dêi rơpo\ng hngêi jâ Sáu tro tâ pơreăng í pêap hlâ mê tiô pôa Doãn Đình Thắng, kăn thôn 2, cheăm Hòa Lễ, hdrối mê môi măng t^ng hên rơpo\ng ki păn pêap tung thôn hiăng hlo dêi pêap hlâ dâng 10 rơpâu to.  La xua kuăn pơlê kơtôa ôh tá vâ tơbleăng tối ăm râ kơpêng, mê mâu kăn [ă khu ngăn pơlât mơnăn ôh tá ‘nâi.

‘’A thôn 2, cheăm Hòa Lễ ngin  ai 5 rơpo\ng păn, la 5 rơpo\ng ki tá, nôkố pêap vâi hiăng hlâ tâi, vâi lôi dêi kơdrum deăng ti mê hiăng vêh dêi a hngêi pơtâi. Vâi ôh tá vâ tối, pin ôh tá chiâng pêi cheăng. Kơxo# pêap ki hlâ hdrối mê dâng 10 rơpâu to. Vâi  păn hmâng vâ, drêng pêap tro pơreăng kơxo# liăn tơmeăm khoăng vâi  tơngah dêi ing pêap mê, xua vâi hiăng ‘no hên liăn păn. Kuăn pơlê ôh tá vâ tối tơbleăng, tâng vâi tối tơbleăng vâi xâu khu râ kơpêng lơ prâu tah pêap vâi ah vâi ôh tá ai ki klâi. Mê vâi mơ-eăm pâk tâi pơkeăng ăm pêap hlâ klêi mê tơná vâi prâu tah dêi’’.

Mâu pêap dêi rơpo\ng jâ Sáu djâ lăm hdroh chôu xua tro tâ pơreăng í pêap

Nôkố hên kơpong a kong pơlê Dak Lak dế pơxiâm mot tung ronó pôe báu. Kố cho rôh mơngế păn pêap xúa mơdrăn che\m hên vâ djâ kơ’nêi pêap lo a klâng. Tâng pêap ôh tá châ pâk pơkeăng vaccine tu\m mê kô tơ’lêi tro tâ pơreăng.

Pôa Trần Cao Khải, Kăn pho\ hnê ngăn ‘na păn [ă pơlât mơnăn kong pơlê Dak Lak ăm ‘nâi, klêi xo ngăn mơheăm rêm hơnăm xuân hlo ai virus a mâu pêap ki ối rơdêi. Dak Lak dế  pơxiâm mot tung hâi khế vâ hơ’lêh rơnó, xua mê drêng trâm hyôh kong prâi ôh tá tơniăn virus kô pro ăm í pêap tâ pơreăng [ă xông tâ tú lâp lu.

 ‘’Tiô pơcháu dêi Vi [an kong pơlê Dak Lak, tâi tâng mâu rơpo\ng păn pêap ing 100 to tơngi klêng [ă păn í sap ing 500 to tơngi klêng thế rôe vaccine pâk vâ hbrâ mơdât pơreăng ăm í pêap tơná. Nôkố ngin dế ăm lăm ngăn vâ ‘nâi mâu tơdroăng [ă kơxo# pêap ki păn a kơpong tâ tá. Pak^ng mê, ngin hnê tối ăm mâu kuăn pơlê thế pâk pơkeăng vaccine hbrâ mơdât pơreăng ăm í pêap vâ rak vế mâu í pêap pôi tá tâ pơreăng’’.

Khu ngăn ‘na păn [ă pơlât mơnăn kong pơlê Dak Lak hnê tối ăm kuăn pơlê ki păn í, pêap tung lâp kong pơlê pôi tá rôe mâu hdrê í, pêap ôh tá ‘nâi xiâm ing lâi păn. Drêng mâu í pêap hlâ kuăn pơlê pôi tá hmôu pơ hvât lôi pá gong lơ a chiâk klâng. Tơdrêng amê, kăn [o# ngăn pơlât mơnăn thế pêi khât  hnoăng cheăng lăm ngăn pôi tá lôi ăm pơreăng châ tâ tú lâp lu, kô pro lu\p cheăng kâ ăm mơngế ki păn.

Tuấn Anh chêh

Gương tơplôu [ă tơbleăng