VOV4.Sêdang - Vâ tŏng kum tơ’nôm mâu kế tơmeăm xúa tung khăm pơlât, hbrâ mơdât pơreăng COVID-19, teăng mâ Kŏng ti On tơhrik DakLak nếo diâp 100 plâ hmân ếo rak châ ki hmâ xúa ƀă 100 plâ kên pâng môh rơkong pơkeăng (túa P-95 ki hmâ xúa) ăm Hngêi pơkeăng kân pơlê kong kơdrâm Ƀuôn Ma Thuột, kong pơlê Dak Lak.

Dak Lak diâp kế tơmeăm xúa hbrâ mơdât Covid-19

Tâi tâng kơnâ dêi mâu kế tơmeăm diâp ăm hngêi pơkeăng rôh kố kơnâ dâng 20 rơtuh liăn. Tâi tâng tơmeăm tŏng kum, teăng mâ Hngêi pơkeăng kân pơlê kong kơdrâm Ƀuôn Ma Thuột tối, pơreăng kân COVID-19 dế tâ tú ôh tá tơniăn, pơlê kong kơdrâm Ƀuôn Ma Thuột tối krê ƀă kong pơlê kong pơlê Dak Lak tối tơdjuôm hiăng ƀă dế ai hên ngế tâ, tơdroăng ki tơdah xo tơ’nôm mâu kế tơmeăm xúa xuân môi tiah kế xúa tung khăm pơlât ai pơxúa kal khât, kum mâu ƀok thái pơkeăng hmiân tuăn tâ tung hnoăng cheăng hbrâ mơdât pơreăng.

Katarina Nga tơplôu ƀă tơbleăng