VOV4.Sêdang - Nôkố, yă chu to kơnâ pro hên ngế ki păn chu a Dak Lak rơhêng vâ vêh păn nếo klêi kơ’nâi pơreăng châi klêa chu châu Phi tâ tú. Laga, tiô kơvâ ngăn chiâk deăng Dak Lak, tơdroăng ki vêh păn nếo tung pơla pơreăng tá hâi teăm kâi mơdât tâi bu hbrâ mơdât a mâu rơpo\ng, mâu tíu păn chu ki pro mâu troăng hơlâ ki păn tơniăn tiô túa sinh hok [ă a mâu tíu ki tá hâi ai pơreăng tâ tú.

Dak Lak: kal tơtro\ng tơdroăng ki vêh păn chu drêng pơreăng châi klêa chu châu Phi tá hâi teăm tâi 

Kơvâ ngăn chiâk deăng Dak Lak hiăng tơru\m [ă mâu kơvâ cheăng, tơring, cheăm, khu mơdró kâ [ă kuăn pơlê ki păn tơdâng tiô pơkâ mâu troăng hơlâ hbrâ mơdât pơreăng. Nôkố tơdroăng ki vêh păn nếo rak tơniăn ai hơ’neh chu ki vâ tê ăm kơchơ klêi kơ’nâi Têt khôi hmâ cho tơdroăng pêi ki kal.

Pôa Nguyễn Hoài Dương, kăn pơkuâ Khu ngăn ‘na chiâk deăng [ă mơnhông thôn pơlê Dak Lak ăm ‘nâi, mâu tơring, cheăm kal pêi pro kơtăng tiô pơkâ [ă troăng ki hnê mơhno tung păn chu pơla kố vâ ví tơdroăng ki ai pơreăng xông tâ tú.

Katarina Nga tơplôu [ă tơbleăng