VOV4.Sêdang - Mâu kong pơlê kơpong Tây Nguyên tối tơchoâm ƀă Dak Lak tối krê hiăng troh rơnó mêi. Laga a cheăm Ea Siên, pơlê krâm Ƀuôn Hồ, kong pơlê Dak Lak xuân tá hâi ai kong mêi, mâu rơchôa têa xiâ tâi, vâ chê 2 rơpâu ha loăng plâi tơdjâk ôh tá ai têa tôh ƀă lối 1.400 rơpŏng ôh tá ai têa ôu. Tiô riân ngăn dêi Vi ƀan cheăng Ea Siên ăm hlo, rơnó xeăng tô hơnăm 2021, lâp tung cheăm ai vâ chê 2.200 ha loăng plâi tŭm túa; tung mê ai 1.500 ha loăng yâu păn hdrong ton hơnăm cho kơphế, tiu, mắc-ca; ki u ối lối 500 ha loăng plâi iâ honăm, mê cho badi, tiu,mắc-ca, plâi treăng ngốu; ai lối 500 ha loăng plâi iâ khế, mê cho pêt báu, alâi, prá ƀă klô̆ng trĭng.

Kuăn pơlê cheăm Ea Siên dế tơkôm kong mêi xua kơdrum loăng plâi khăng khoăng

Tiô Vi ƀan cheăng Ea Siên, tơdroăng kong tô a cheăm hlo tung hên hơnăm hdrối, malối a rơnó mơdrăng. Laga tơdroăng kong tô a tơdế rơnó mêi môi tiah kố preăng hlo kong tô  ôh tá xê to pro lŭp vâ chê 2 rơpâu ha loăng plâi, mê ối lối 7.500 pơ’leăng mâ mơngế tung cheăm ôh tá ai têa xúa, dế trâm pá ó.

Gương tơplôu ƀă tơbleăng