VOV4.Sêdang - Klêi kơ’nâi vâ chê 1 măng tĭng pơtê tơdroăng test pơreăng COVID 19 a Hngêi pơkeăng pơlê kong kơdrâm Ƀuôn Ma Thuột, Hngêi pơkeăng pơlât vâi hdrêng Đức Tâm ƀă kơbong pơlât Đa khoa Hoàn Hảo, hâi lơ 13/7, Khu pơkuâ ngăn pơkeăng ƀă khăm pơlât Dak Lak hiăng môi tuăn ăm 3 hngêi pơkeăng kố vêh pêi cheăng test ngăn pơreăng COVID 19 vâ pro mơ-éa ăm kuăn pơlê ƀă mâu ngế vê rơxế prôk lăm troh mâu kong pơlê pơkâ thế ai mơ-éa khăm ngăn rĕng COVID 19 a mâu hngêi pơkeăng khăm, pơlât tung kong pơlê vâ kơvâ khăm pơlât tơkŭm mơnhên, tâng tíu ki lâi tơniăn nếo ăm phêp vêh pêi cheăng.

Rơtế ƀă 3 tíu khăm pơlât nếo tối mê châ ăm phêp pêi cheăng test pơreăng COVID 19, Dak Lak xuân pơtối rak tíu test rĕng tê kơtê 100 ngế/môi hâi ăm mâu ngế vê rơxế ai ƀâng vê rơxế hăng C a Tíu xiâm khăm pơlât pơlê kong kơdrâm Ƀuôn Ma Thuột.

A Sa Ly tơplôu ƀă tơbleăng