Rơnó pêt pôm loăng hơnăm kố, jâ Đỗ Thị Liên ối a thôn 3, cheăm C|ư Mlan, tơring Ea Sup, kong pơlê Dak Lak pêt vâ chê 4 ha. Laga lối 6 khế hiăng luâ, mơhé rơpo\ng hngêi jâ Liên hiăng rôe hên túa pơkeăng xôh kơdê la deăng ki pêt pôm loăng xuân ôh tá kâi tâi pơreăng kâ ‘nhiê kông hlá pôm loăng.

Lâp deăng pêt pôm loăng ngăn hiăng chiâng tơviah tơ-ê, hiăng rêa tr^ng hlá tơkru\n tâi. Jâ Liên ăm ‘nâi: hên hơnăm pêt pôm loăng hâi chói hlo môi tiah hơnăm ki lâi ai pơreăng kâ ‘nhiê pôm môi tiah hơnăm kố.

‘’Sap ing hâi pêt, pôm xông ngăn dâi le\m la dâng 20 hâi ing mê hlá pôm tơchiê. Rơpo\ng hngêi troh a tíu tê pơkeăng rôe, vâi hnê tối thế rôe mâu túa pơkeăng vâ xôh kơdê pơreăng. Rơpo\ng hngêi xôh hên hdrôh la troh nôkố pôm hiăng 6,7 khế xuân u ối pơreăng kâ, kông pôm tá kâi chiâng kân’’.

Tiô Khu ngăn ‘na chiâk deăng [ă mơnhông thôn pơlê dêi kong pơlê Dak Lak, nôkố hiăng ai lối 1.300 ha pôm loăng tro tơkru\n hlá, tơku\m hên má môi a mâu tơring Ea Sup, Krông Bông [ă Buôn Đôn. Kơvâ ngăn ‘na chiâk deăng Dak Lak dế hnê tối ăm kuăn pơlê ‘na tơdroăng pêi pro mơdât pơreăng tâ tú, mê thế: pui lâk tâi dêi pôm ki hiăng tro tâ pơreăng, po nhâ, hdroh chôu, klêi mê pơchoh nếo, vâ hơ’lêh tơnêi ăm hơpok le\m, kơdê pơreăng, xôh pơkeăng kơdê kuăn kiâ ki rơbông, prâu tah lôi mâu hlá kông pôm tro pơreăng.

Tiô pôa Nguyễn Hoài Dương, Ngế pơkuâ ngăn Khu xiâm ngăn ‘na chiâk deăng [ă mơnhông mơdêk thôn pơlê dêi kong pơlê Dak Lak ăm ‘nâi, ki xiâm tơnêi pêt pôm tro pơreăng tơkru\n hlá cho xua ing hdrối mê hía nah kuăn pơlê rôe kông pôm ki tê cho kông pôm hiăng tâ pơreăng ki lo ing kong pơlê Tây Ninh djâ tê a kố vâ pêt.

Khu ngăn ‘na chiâk deăng hnê tối tối ăm kuăn pơlê pơtê pôi ta pêt pôm a tơnêi ki hiăng tâ pơreăng, ki iâ gá môi 1 rơnó, lơ môi hơnăm. Drêng rôe hdrê pôm thế ‘nâi rah rôe a mâu tíu ki lâi tê hdrê krúa le\m ôh tá ai pơreăng tíu ki vâi ô eăng tê hdrê le\m:

‘’Ngin xuân hiăng pơtroh hlá mơ-éa [ă tí tăng ‘nâi ple\ng ăm Vi [an kong pơlê pơtối hnê mơhno kơtăng vâ mơdât pơreăng tâ tú a mâu rôh pêt hdrê loăng la ngiâ ah. Malối thế ‘nâi séa ngăn nhên hdrê ki rôe, tâng ôh tá tro ngăn nhên mâu hdrê ki pêt, pơreăng kô pơtối tâ tú nếo [ă kô lu\p kân troh pêi cheăng kâ dêi kuăn pơlê’’.

Kơvâ ngăn ‘na chiâk deăng hnê tối hdrối: Tơdroăng pêi ki tro má môi vâ kâi mơdât pơreăng pôi tá châ tâ tú nôkố, cho thế prâu tah tơdrêng hlối mâu kông hlá pôm loăng ki pêt a tơnêi hiăng tâ pơreăng. Pak^ng mê, [ă mâu kơdrum deăng pêt pôm ki hiăng tâ pơreăng hiăng prâu tah kông pôm, thế lôi ton môi hơnăm ah ‘nôi nếo chiâng vâ vêh pêt pôm nếo.

Tuấn Anh chêh

Gương tơplôu [ă tơbleăng