Cho ngế kuăn tung rơpo\ng hngêi ai 4 ngế nho\ng o ối a pơlê kân Ea Pô], tơring C|ư Mgar (Dak Lak), mơhé rơpo\ng hngêi ôh tá tiô ‘na hơdruê xuâng, la Y Thắng hâk vâ khât ‘na tơdroăng mê cho hâk vâ xuâng. Sap ing ối ku\n, ngoh hiăng kơhnâ veăng mot tung khu hơdruê xuâng dêi hngêi trung lơ dêi kong pơlê tơku\m po.

Thươ\ng u\i Y Thắng tâng a plông hơdruê xuâng

Vâ pêi pro tiô tơdroăng púi vâ ‘na hơdruê xuâng, sap ing klêi hriâm tâi hngêi trung râ má pái phôh thong, Y Thắng hiăng nâp hlá đơn pâ tơ’noăng mot hngêi trung Đại học Văn hóa nghệ thuật Quân đội klêi mê châ rah xo mot hriâm kơvâ xuâng. 

Tiô Y Thắng, troăng hơlâ nge# thuât ôh tá xê hlâu, tơdrăng môi tiah tuăn tơmiât. {ă mâu kơdrâi hriâm xuâng hiăng pá, [ă mâu kơnốu mot hriâm kố thăm rế pá hên luâ tâ nếo. Laga, [ă tuăn mơ-eăm vâ, tơná ngoh hiăng mơ-eăm hriâm klêi tu\m tơdroăng ki thái cô hiăng pơcháu.

Rơtế [ă vâi pú kum kuăn pơlê châ hluăn xahpá xua têa lân luâ

Y Thắng ăm ‘nâi, kơ’nâi 6 hơnăm hriâm, khế 7/2010, ngoh hiăng hriâm klêi châ pơxá hriâm rơkê klêi mê châ lăm mot tung khu pêi cheăng a Khu hnê mơhnhôk tiô troăng le\m nếo a kong pơlê cho tung Khu xiâm pơkuâ lêng kong pơlê Dak Lak. Vâ chê 10 hơnăm rơtế hmâ [ă tơdroăng hriâm xuâng, tơná ngoh hiăng hriăn ple\ng tơdroăng xuâng [ă veăng mơđah hr^ng [ai xuâng vâ mơđah ăm kuăn pơlê, mô đo#i a kong pơlê ngăn. Y Thăng tối tơdroăng hâk nâ dêi tơná:

‘’Rêm hdroh á pêi tơdroăng tiô pơkâ hâi leh kân dêi tơnêi têa, mê drêng troh a pơlê cheăm mơđah a hnê xuâng tiô kơ tơdroăng dêi hâi leh, pơtih ‘na Đảng mê [ă tơdroăng hnê tối ’na Đảng. To mâu [ai hơdruê ‘na Tây Nguyên mê á cho ngế kuăn ngo á hlê [ă hriăn dêi tơdroăng vâ xuâng pro pơro ăm tro tiô khôi túa, vêa vong kuăn ngo, kum ăm kuăn pơlê hlê vâ pơtối rak vế. Mâu tơdroăng ki á [ă vâi pú tung lêng mơđah đi đo châ kuăn pơlê hâk vâ ngăn’’.

Pôa Y Mut Bkrông krâ pơlê ối a [uôn Jing, cheăm Krông Jing, tơring MDrak ăm ‘nâi, rêm hdrôh lăm tơbleăng hnê ‘na mơhno túa le\m tro a pơlê cheăm dêi Khu xiâm pơkuâ ngăn lêng Dak La ‘na tơdroăng mơđah xuâng, pôa [ă kuăn pơlê troh lăm ngăn krâm.

Thươ\ng u\i Y Thắng [ă vâi pú klêi mơđah xuâng

 Pôa Y Mut, krâ pơlê tối, mâu [ai xuâng hnê tối ‘na Đảng, ‘na pâ nhoăm pơlê pơla tơnêi têa, ‘na kuăn mơngế [ă ‘na mơhno tiu le\m tro Tây Nguyên đi đo châ hriâm mơđah hên túa, ngăn tơviah ro tro tiô khôi túa, vêa vong kuăn ngo. Krâ pơlê Y Mut tối:

‘’Kuăn pơlê akố iâ ngăn mâu tơdroăng vâi mơđah hơdruê xuâng, mê rêm hdroh troh lăm mơđah kuăn pơlê xuân troh a hngêi ki kuăn pơlê tơku\m hôp ngăn kơdrâm. Mâu tơdroăng hơdruê ‘na ô eăng Đảng, ‘na Pôa Hồ kô kum ăm mâu vâi o thăm rế nhoăm pâ tơnêi têa, pâ dêi pú, dêi kuăn pơlê tơná, thăm mơ-eăm hriâm kơhnâ khât vâ rơtế [ă dêi rơpó pơtối rak vế tơdroăng ki le\m tuăn mơno Hồ Chí Minh, hlối rơtế veăng mơjiâng dêi tơnêi têa. To mâu [ai hơdruê xuâng ‘na Tây Nguyên gá ro, xuân [ă chêng koăng, kơ’râu xuâng pú hên ngăn ro mơnâ mâ. 

A plông hơdruê ai kuât tâng amê há ngăn achê [ă kuăn pơlê. Kuăn pơlê hlo ro khât rêm hdroh ngăn vâi xuâng môi tiah mê’’.

Khu hnê mơhno túa le\m tro hơdruê xuâng a tơring, cheăm ối tung Khu pơkuâ ngăn lêng kong pơlê Dak Lak ai 11 ngế. Tiô thươ\ng tă Liêng Hót Kiên, Đo#i trương khu hnê mơhno túa le\m tro dêi pơlê cheăm tơring ối tung khu pơkuâ ngăn lêng Dak Lak, xua [iên che# iâ tung pơla mê [ai vâ hơdruê xuâng hên, khu kố thế đi đo pêi cheăng tơ’nôm chô, oh tá châ pơtê vâ ai mâu [ai hơdruê, xuâng ki ro tro kơ tuăn mơngế vâ ngăn. Tung mê, ngoh Y Thắng Niê đi đo cho ngế ki xiâm.

Thươ\ng tă Liêng Hót Kiên ăm ‘nâi, tơdrêng [ă tơdroăng  pơtâp hơdruê xuâng vâ mơđah ăm kuăn pơlê [ă vâi pú ngăn tung kong pơlê Dak Lak. Thươ\ng u\i Y Thắng Niê ối veăng hriâm mơđah hên tơdroăng mơhno ki le\m tro hơdruê xuâng ki kân xua Vi [an kong pơlê Dak Lak, Khu lêng Quân khu 5, lơ Khu xiâm ngăn tơdroăng kal kí tơku\m po. Thươ\ng tă Lương Hót Kiên, tối ‘na ngế tung râ dêi tơná.

‘’Hnoăng cheăng pêi, hriâm [ă tơdroăng hriâm dêi ngoh Y Thắng mơ-eăm, đi đo pê klêi hnoăng cheăng pêi ki pơcháu. ‘Na tơdroăng cheăng dêi khu a hlo ngoh mơ-eăm khât, ing mâu rôh têa kân lân lu, klêi mê ai hnê mơhno dêi khu râ kơpêng mê ngoh hiăng veăng lăm troh a mâu tơring Ea Sup, Buôn Đôn, MDrak, Krông Bông kum kuăn pơlê pro hngêi, xing xoăng pơkeăng, văng krúa kơpong tro têa lu;  troh kơmăng veăng trâm mâ mơđah hơdruê xuâng [ă vâi  droh rơtăm a tơrig cheăm ki mê. Ngoh cho ngế đảng viên hơnăm ối nếo pêi cheăng kơhnâ khât’’.

Phá tâ mâu vâi pú tung pêi cheăng drêng châ rêh ối [ă dêi kơdrâi kuăn. Thươ\ng u\i Y Thắng Niê rêh ối hơngế dêi on veăng troh 2 rơpâu km. Nâ Nông Thị Trang, kơdrâi Thươ\ng u\i Y Thắng Niê dế rêh ối pêi cheăng a kong pơlê Lạng Sơn.

Nâ Trang tối, mơhé ối hngế dêi rơpó châ rơpâu km la tuăn mơno pâ dêi rơpó on veăng xuân ối krá le\m. Má on veăng hmâ hơlêm mơhnôk dêi rơpó mơ-eăm pêi cheăng tơkâ luâ tơdroăng pá ki hơngế kum dêi rơpó pê klêi hnoăng cheăng, mơjiâng on veăng rêh ối môi tuăn vâ hơniâp ro.

Nâ Trang tối:

‘’Má on veăng á hơngế dêi rơpó hiăng 7 hơnăm, klêi mê konốu a lăm pêi cheăng a kong pơlê Dak Lak cho kơpong Tây Nguyên. Rêm hdrôh ro lơ khéa má hmâ krếo phôn tơpui [ă dêi rơpó, krếo [ă Zalo, Facebook, Facetime... Vâ tối tơpui tơno hơlêm mơhnhôk dei rơpó. Rêm hơnăm ngoh châ pơtê vêh lăm pôu hngêi ngin đi đo veăng rak ngăn má kuăn. Ngoh cho ngế kơhnâ, hmâ pế hmê, klêi mê djâ má kuăn á lăm ngăn um, ngăn hơdruê xuâng… vâ mơdrếo ăm chôu phut ki ối hơngế. Má kuăn a la lâi xuân púi vâ châ ối [ă dêi on veăng‘’. 

Mơhé rêh ối hơngế kơdrâi kuăn, xua hên tơdroăng cheăng pêi Thươ\ng u\i Y Thắng Niê đi đo pê klêi hnoăng cheăng pơcháu. {ă tơdroăng kơdo mơ-eăm tung pêi cheăng. Thươ\ng u\i Y Thắng hiăng châ Khu xiâm pơkuâ ngăn tơdroăng kal kí, Kuân khu 5, Vi [an kong pơlê Dak Lak, Khu xiâm pơkuâ ngăn lêng kong pơlê diâp ăm hên pri mơhá ki kơnía. Malối apoăng khế 8/2019 kố nah, Y Thắng Niê cho đảng viên hơnăm ối nếo dêi kong pơlê Dak Lak châ rah lăm veăng trâm mâ ‘’500 ngế đảng viên hơnăm ối nếo kơhnâ tung lâp tơnêi têa pêi pro tiô rơkong hnê pơchân dêi Pôa Hồ‘’ hơnăm 2019.

Tuấn Long chêh

Gương tơplôu [ă tơbleăng