Rơpo\ng pôa Bùi Văn Thống, ối a thôn 3, cheăm Ea Kly, tơring Krông Pa], kong pơlê Daklak ai 2 ha kơphế dế ối tung pơla krí xo dêi plâi. Maluâ hiăng ai hên tơdroăng ki rơkê ple\ng tung rak ngăn kơphế, la pôa Thống ăm ‘nâi, 2 hơnăm vêh ngi kố, kong prâi ôh tá tơniăn, drêng ‘nâ kong mêi, drêng ‘nâ kong tô ó. Tơdroăng kố hiăng pro hơ’lêh ki pơkâ tung túa ki pơkâ rak ngăn kơphế dêi rơpo\ng pôa. Maluâ hiăng mơ-eăm, la hneăng ki kum ‘mâi mơnhông klêi kơ’nâi krí kơphế rơnó hdrối gá hrá tâ xua kong mêi ôh tá tro rơnó hiăng pro tơdjâk plâi kơtốu lơ ôh, dâi le\m lơ ôh dêi kloăng kơphế rơnó kố. Pôa Bùi Văn Thống tối: Tâng pơchông ngăn [ă hơnăm nah mê gá ôh tá tơ’mô. Tâng môi tiah hơnăm nah 1 ha châ 3 ta#n mê hơnăm kố bu dâng 2 ta#n luâ môi iâ xo, ôh tá kâi tơ’mô hơnăm nah. Xua kong prâi ôh tá tơniăn. Rôh lo reăng a hơnăm kố nah gá trâm kong mêi, ngăn tơdjuôm kơphế gá le#m la bu tơku\m hên to a hlá mê ôh tá kơ’muăn plâi hên.

Cho kơpong ki hmâ pêt hên kơphế ton hơnăm, ki hên mâu ngế ki pêt kơphế a Daklak xúa to tơdroăng ki tơná rơkê ple\ng cho ki xiâm, iâ rak ngăn ki xông kân rơdêi dêi loăng, môi tiah tơmâng hnê mơhnhôk dêi mâu kơ koan ki ngăn ‘na kơvâ pêt kơphế kố hiăng pơchân tối. Tâng môi tiah mâu hơnăm hdrối, klêi kơ’nâi krí, vâi krâ nho\ng o poê tơkâng, chiâ klôh, rơvât phon, tôh têa vâ kum ‘mâi mơnhông kơdrum loăng klêi kơ’nâi môi hơnăm ai plâi, mê hơnăm kố, vâi krâ nho\ng o tô tuăn, ôh ti ‘nâi drêng pêi mâu túa pơkâ kố. Xua kong prâi ôh tá tơniăn, hdrong kâ ‘nhiê hên h^n, túa pơkâ ‘mot tơ’nôm trếo kơhiâm [ă rơvât phon ôh tá tiô túa pơkâ. Ngoh Lê Minh Tuấn, ối a cheăm Ea Kiêt, tơring }ư\ Mgar, rơpo\ng ai lối 2 ha kơphế, krí hiăng vâ klêi ăm ‘nâi: Tiô tơdroăng ki rơkê ple\ng rêm hơnăm klêi kơ’nâi krí á poê tơkâng, ‘hnêi hmo\ng, klêi mê lôi gá dâng 1 khế ăm loăng khăng mê ah tôh têa vâ loăng lo reăng. La mâu hơnăm achê kố, kong prâi ôh tá tơniăn, ai mâu xiâm ki ‘nâ hiăng lo reăng, ai xiâm ki ‘nâ hlâ mê á dế ôh ti ‘nâi pro tiah lâi hôm chiâng vâ rơvât phon, tôh têa vâ rak ngăn xiâm loăng gá tiah lâi.

Tiô Tie#n sih Trương Hồng, kăn pho\ Khoa hok kih thua#t pêi chiâk deăng pêt kong Tây Nguyên tối, xua kuăn pơlê dế ôh ti ‘nâi tung túa ki rak ngăn kơphế drêng trâm kong prâi ôh tá tơniăn môi tiah dế nôkố, mê hên rơpo\ng hiăng pêi ôh tá tro mâu troăng pơkâ rak ngăn, kơxo# phon rơvât [ă ma lối tung pơla tôh têa. Xua kong prâi tô, vâ ai têa tôh, kuăn pơlê tôh tung rơnó ki lâi ki ai têa la ôh tá tơmâng ngăn troh tơdroăng ki xông kân dêi loăng. Tơdroăng kố, hiăng prô ôh tá tơdâng tơ’mô tung rak ngăn kơphế klêi kơ’nâi krí, tơdjâk troh ivá dêi xiâm loăng tung hơnăm hbrâ vâ lo reăng, tơdjâk chiâng pá ăm tơdroăng rak ngăn, păn roăng rôh kơ’nâi. Tie#n sih Trương Hồng tối: Kuăn pơlê hmâ tôh têa pro tiah lâi ăm tơtro [ă ivá dêi tơná hmâ, mê vâi ôh tá ‘nâi nhên klâi ôh troh rôh tôh têa môi tiah lâi ăm tơtro. Hên rơpo\ng, ngin lăm séa ngăn a kơdrum ăm hlo, vâi krâ nho\ng o ai tơdroăng ki tôh têa re\ng tâ tâng vâ pơchông [ă loăng kơphế rơhêng vâ hrik xo têa. Pơtih, rêi gá ti lâi, klêi kơ’nâi krí plâi pin athế hbrâ ngăn tung tơdroăng ki vâ hbú lo hlá dêi loăng kơphế, mê pin kô hlo cho rôh ki kal athế tôh têa drêng kơphế răng hlá, drêng mê, kô ôh tá lo reăng dâng 90%, tâng ôh tá tơtro klêi kơ’nâi tôh têa, reăng ga bu ai 70% xo. Mê cho ki pơloăng ‘nâng ăm vâi krâ nho\ng o ki hmâ trâm hlo.

Drêng kong prâi ôh tá tơniăn, mê tơdroăng ki rơvât, xôh ăm trếo kơhiâm, rak tơniăn têa tôh ăm hdrê loăng kơphế, pro ti lâi ăm tơtro, ai pơxúa, plâi kơtốu hên cho tơdroăng ki vâi krâ nho\ng o kong pơlê Daklak dế tơmâng ngăn.

Gương prế Katarina Nga tơplôu [a\ tơbleăng