VOV4.Xơ Đăng -  Khu hnê mơhno pleăng mơheăm kong pơlê Dak Lak tơrŭm ƀă mâu tíu cheăng hiăng pêi pro tơdroăng pleăng mơheăm a Hâi tĭng hơnăm 2022. Tơdroăng kố hiăng châ xo lối 220 tơdrong mơheăm tung roh tơdah apoăng a hâi lơ 8/1. Tiô pôa Nguyễn Đức Phú – Kăn pơkuâ ƀơrô Khu mơhnhôk pleăng mơheăm kong pơlê Dak Lak, nôkố tơdroăng pơreăng COVID-19 xuân dế xông tâ tú ó, tơ’lêi ôh tá tŭm mơheăm ki ‘măn kum tung tơdroăng thâ pơlât ƀă pơlât tung hơnăm, xuân môi tiah tung roh Têt Lo hơnăm nếo la ngiâ.

Dak Lak pêi pro tơdroăng hâi tĭng pleăng mơheăm hơnăm 2022

Tiô pơkâ, tung khế 1 kố, kô tơkŭm po 6 roh pleăng mơheăm, tiô tối hdrối tơdah dâng 2.500 – 3.000 tơdrong mơheăm. Kơxô̆ mơheăm châ xo kô pơtroh a Hngêi pơkeăng pâk tơ’mot mơheăm tơnêi têa dâng 1.000 tơdrong mơheăm, ƀă a kong pơlê kô ‘măn kơxô̆ ki u ối dâng 2.000 tơdrong mơheăm vâ kum tung tơdroăng thâ pơlât ƀă pơlât tung roh Têt Lo hơnăm nếo.

A Sa Ly tơplôu ƀă tơbleăng