VOV4.Sêdang - Kơvâ ngăn ‘na on tơhrik dêi kong pơlê Dak Lak dế thăm mơdêk hnoăng cheăng ki vâ rak tơniăn ăm kơxái on tơhrik ki ai ivá têi má môi a rơnó mê hngê. Ko\ng ti ngăn ‘na on tơhrik dêi Dak Lak hiăng pơtroh tơdroăng pơtâng hnê, ai tá hlá mơ-éa hnê tối ‘na túa ki vâ hbrâ mơdât tơdroăng xía vâ troh a 2 rơpâu 600 khu, mơngế krê ki ai hngêi ối, tơmeăm khoăng ki châ mơjiâng pro achê troăng kơxái on tơhrik la rak ki tơniăn.

Tối tơbleăng tơdroăng ki ôh tá tơniăn ăm 280 khu râ, kơvâ cheăng, mâu ngế krê ki ai rơxế toi, rơxế chơ, rơxế klêi, rơxế têk kế tơmeăm ki pêi a’ngêi, rơxế tơvât [ê tong [ă hên mâu tơmeăm khoăng ki ê.

Tơdrêng amê, riân ngăn vâ chê 16 rơpâu xiâm loăng ngiât tung [ă mâu tíu ki ê ki achê troăng kơxái on tơhrik vâ rak vế tơniăn ăm troăng prôk, hngêi trăng, hbrâ ví xía vâ xúa loăng kơtong tâu tro a troăng kơxái on tơhrik, chiâng ai tơdroăng xâu xía. Mâu tơdroăng ki tối tơbleăng mê pơrá châ pơtâng tối đi đo vâ re\ng teăm hbrâ rơnáu, mơdât tơdroăng xía vâ.

Nhat Lisa tơplôu [ă tơbleăng