VOV4.Sêdang - Tơdroăng ing Khu hnê mơhno hbrâ mơdât pơreăng COVID 19 kong pơlê Dak Lak, kong pơlê kố pơtối châ hlo ngế má 9 yương tĭnh ƀă SARS-CoV-2, cho kơdrâi dêi ngế tro COVID 19 má 8.

Ngế ki kố cho nâ T.T.M.L, kot mâ hơnăm 1996, ối a thôn Ea Duất, cheăm Ea Wer, tơring Ƀuôn Đôn, nâ L, cho kŏng nhân a kŏng ti in ki liá tâ tơmeăm Quang Huy (bêng Bình Trị Đông A, pơlê kân Bình Tân, Pơlê kong kân Hồ Chí Minh). Nâ L, cho F1 dêi ngoh Đ, châ kơvâ khăm pơlât Dak Lak mơnhên yương tĭnh ƀă SARS-CoV-2 a kơmăng lơ 14/7. Tíu xiâm khăm pơlât tơring Ƀuôn Đôn hiăng tơkŭm xôh pơkeăng kơdê pơreăng tâi tâng mâu tíu on veăng nâ L. prôk troh.

A Sa Ly tơplôu ƀă tơbleăng