VOV4.Sêdang - Tơtro\ng troh tơdroăng séa ngăn mâu kế tơmeăm ki ai tơdjâk troh tơniăn ‘na krúa le\m kế kâ; pơkeăng, kế tơmeăm rak vế ivá; kum ăm hnoăng cheăng hbrâ mơdât pơreăng Covid-19; mơdêk séa ngăn, mơnhên hbrâ mơdât lu lêa tung tê mơdró [ă hên ki ê cho mâu tơdroăng ki xiâm dêi rôh hôp dêi khu hnê mơhno hbrâ mơdât tê mơdró tơmeăm ôh tá tro luât, lu lêa tung tê mơdró [ă kế tơmeăm ôh ta xê khât dêi kong pơlê Dak Lak.

Hơnăm 2019 kố nah, tơdroăng ki kế tơmeăm ôh tá xê khât, kế tơmeăm ôh tá dâi le\m, lu lêa tung tê mơdró têa châu têa kơxăng xuân ối hlo; túa pơkâ tơmiât cheăng dêi khu mơdró kâ ôh tá tơniăn [ă rơkê ple\ng khât. Tung pơla mê, tơdroăng ki tơru\m séa ngăn dêi khu ki ai tơdjâk troh [ă khu mơdró kâ ai drêng ‘nâ xuân tá hâi hlo đi đo, troăng hơlâ mơ-éa pơkâ luât xuân ôh tá tơdâng tơ’mô.

Hơnăm hdrối nah, lâp kong pơlê Dak Lak hiăng châ hlo [ă pơxâu phâk 3.616 rôh pro xôi, tâi tâng kơxo# liăn nâp lối 125 rơtal liăn. Kế tơmeăm ki vâi rup xo ki hên cho mlo\i, pơkeăng, têa kơxăng, hât, loăng [ă hên ki ê.

Katarina Nga tơplôu [ă tơbleăng