VOV4.Sêdang - Kơxo lơ 9/7, Ho#i đong hnê ngăn kong pơlê Dak Lak pơxiâm po hneăng hôp má 8, Ho#i đong hnê ngăn kuăn pơlê hneăng 9, hneăng 2016-2021. Tiô tơbleăng pơtroh ăm rôh hôp, hên tơdroăng pơkâ mơnhông cheăng kâ rêh ối tung hơnăm 2019 dêi kong pơlê, châ tối pá vâ kâi pê klêi tâng ôh tá hriăn rơkê ki khât.

Ho#i đông kong pơlê Dak Lak

Tung 6 khế apoăng hơnăm, tơdroăng pơkâ tâi tâng tơmeăm pêi lo tung kong pơlê Dak Lak tâk châ 21 rơtal 600 rơtuh liăn, tơ-mô [ă 38% tiô pơkâ, tâk 6,8% tâng vâ pơchông [ă hơnăm hdrối. Xo liăn ngân dêi tơnêi têa riân châ 3.300 rơtal liăn, tơ’mô [ă 48,8% tung hơnăm, tâk lối 13% tâng pơchông [ăng hơnăm hdrối.

Tiô mâu kăn tối, [ă tơdroăng pơkâ tâi tâng mâu tơdroăng pêi lo tung plâ hơnăm ai pơkâ cho 56.000 rơtal liăn, tâk ‘na cheăng kâ sap ing 8,7% - 9% ăm hlo nhên tơdroăng ki pơtối tung 6 khế mơ’nui hơnăm cho hngăm hngo păng ‘nâng, pá vâ pê klêi tơdroăng pơcháu tâng ôh tá hriăn rơkê khât tung tơbleăng ‘no liăn cheăng [ă tâng ôh tá rơkê ‘na mâu tơdroăng tơkêa ki kân, mâu tơmeăm khoăng mơjiâng pro ki xiâm tung kong pơlê.

Gương tơplôu [a\ tơbleăng