VOV4.Sêdang -  Hâi lơ 21/7, Kơ koan kan sat Kŏng an pơlê kong kơdrâm Buôn Ma Thuột (Dak Lak) hiăng pơkâ tơleăng phâk tơdroăng ki “Pro tâ tú pơreăng rơ-iô ăm mơngế”. Hdrối mê, a hâi lơ 17/7 Khu hnê mơhno hbrâ mơdât pơreăng COVID-19 kong pơlê Dak Lak tối ‘na ngoh N.T.H, 36 hơnăm, ối a thôn 3, cheăm Êbua, pơlê kong kơdrâm Ƀuôn ma Thuột, cho ngế ki cheăng chêh hlá mơ-eá dêi rơxế Tiến Oanh, tíu ối a 134 Hai Bà Trưng, bêng Thắng Lợi) yương tĭnh ƀă COVID-19.

Hngêi rơxế Tiến Oanh hiăng mơdât tối ai ngế tâ COVID-19 cho ngoh H

Tiô séa ngăn apoăng dêi kơ koan khu râ pơkuâ cheăng, hdrối mê, ngoh H. ai mot a kơpong tâ pơreăng cho Pơlê kong kân Hồ Chí Minh, ƀă troh a hâi lơ 10/7 vêh a kong pơlê la ôh tá vâ tối tơbleăng tơná ăm mâu kăn, hngêi pơkeăng, ôh tá klâ krê tiô pơkâ, ối lăm prôk troh hên tíu, trâm tơpui ƀă hên ngế.

A pơla mê Dak Lak hiăng ai 13 ngế tâ COVID-19 ki ai xiâm pơreăng tơdjâk troh ngoh H. Ngăn a tơdroăng gá pro, kơ koan khu râ pơkuâ cheăng hiăng ai tŭm tơdroăng ki vâ tơleăng pơxâu phâk gá cho ngế ki “pro chiâng tâ tú pơreăng troh mơngế ki ê”.

Gương tơplôu ƀă tơbleăng