Péa pơla măng t^ng kố, Trung tá Nguyễn Lực, ngế ki cheăng tung Khu kan sat gak ngăn troăng prôk kơxo# 1 ối tung {ơrô kan sat gak ngăn troăng prôk, Ko\ng an kong pơlê Dak Lak rơtế [ă mâu kăn [o#, mâu lêng tung khu đi đo ai mâ a drô troăng kân Hồ Chí Minh, tíu ki tơkâ luâ cheăm Hòa Phú, pơlê kong kơdrâm {uôn Ma Thuột vâ gak ngăn khu rơxế, mơngế prôk lăm drô troăng.

‘’Tung plâ 2 măng t^ng hiăng luâ, Khu gak ngăn troăng prôk kơxo# 1 hiăng ăm dêi lêng lo gak ngăn tu\m drô troăng prôk vâ rup mâu khu rơxế ki pro xôi drêng kơtâu a drô troăng, môi tiah rơxế kân chơ mơngế, rơxế chơ tơmeăm, rơxế ku\n [ă rơxế hon đa. Mâu ngế ki vê rơxế mê hmâ tro khu gak ngăn troăng prôk rup pơxâu xua kơtâu rơxế ôh tá tro troăng prôk dêi tơná, kơtâu rơxế lối têi; chơ kế tơmeăm ki ôh tá ai hlá mơ-éa phep, tơmeăm ki tơ’lêi pơtôu; hên vâi droh rơtăm hmâ tơ’noăng rơxế kơtâu têi, ngế vê rơxế pou drôu [ă hên h^n mâu tơdroăng ki ê. Klêi kơ’nâi pơkâ pêi pro kơtăng tiah mê, tu\m tíu ki gak ngăn a pơla kố, hlo tơdroăng kơto rơxế hiăng chía kơdroh, kơxo# rơxế, mơngế tơklâm rơxế kơdroh hên’’.

Khu kan sat gak ngăn troăng prôk Dak Lak thăm mơdêk hnoăng gak ngăn drô troăng prôk

Cho ngế vê rơxế chơ tơmối [ă hiăng vê rơxế ton châ 15 hơnăm tơkâ luâ pơlê kong kơdrâm {uôn Ma Thuột - Hồ Chí Minh, pôa Trần Như Linh vê rơxế dêi Khu pơkuâ ngăn rơxế Tú Uyên Dak Lak tối ăm ‘nâi, pôa ôh tá tơviah klâi tơdroăng ki lo gak ngăn drô troăng prôk dêi khu kan sat. Pôa Linh tối tiah kố, tơdroăng ki pêi pro kơtăng drêng gak ngăn drô troăng prôk cho kal khât păng ‘nâng, ing mê, vâ tơbâ thế mâu ngế vê rơxế athế rak vế tro khât luât prôk troăng vâ tơniăn ăm drô troăng prôk, vâ ing mê, hnê tối, tơbâ thế mâu ngế vê rơxế athế kơtâu tro troăng, tro luât, tơniăn drô troăng prôk.

‘’Khu kán sat gak ngăn troăng prôk hiăng tơbâ thế á kơtâu drô troăng tro tơdroăng, ôh tá kơtâu têi luâ râ, kơtâu tro tiô dêi troăng. Tơdrêng amê, vâi ối pơkâ thế khu vê rơxế ngin rak vế, pêi pro tro khât tơdroăng, ôh tá ôu drô [ier, ôh tá xúa trếo ki ‘mêi tuăn ngôa drêng kơtâu rơxế. Vê rơxế vâ chơ tơmối athế ngăn dêi nhên kơmăi rơxế, tâng hlo tơniăn mê nếo chơ tơmối. Tâng vâ chơ kế tơmeăm mê ngế ki veăng kum ngế vê rơxế athế séa ngăn i nhên mâu kế tơmeăm mê hôm hiăng ai tu\m hlá đơn lơ ôh, ôh tá khoh chơ mâu tơmeăm, môi tiah: loăng, mlo\i, kuăn kiâ kong, ma tu\i [ă hên mâu tơmeăm ki ê vâ kring vế tơniăn ăm troăng prôk’’.

Tơdroăng ki mơnhên ai ôu drôu

Ngoh Trần Phi Thanh, hngêi ối a troăng Nguyễn Tất Thành, bêng Tự An, pơlê kong kơdrâm {uôn Ma Thuột, cho ngế ki vê rơxế hon đa hiăng tro thế tot [ă êng ngăn [âng, hlá mơ-éa, xua ngoh ôh tá râng tơvế dêi khu hlá mơ-éa, ai tối tiah kố:

‘’Hâi kố, á thâ lo pá kong mê á ôh tá hdah râng tơvế dêi [âng, hlá mơ-éa mê khu kán sat gak ngăn troăng prôk hiăng êng, mơnhên, tơbâ thế á râng [âng a roh kơ’nâi ah, klêi mê, ăm á prôk. Mâu vâi ngoh ko\ng an ối hnê tơ’nôm ‘na tơdroăng hdrối vâ kơto rơxế athế xo muâk, ôh tá ôu drôu [ier, prôk tro troăng, kơtâu chôa ‘lâng, tro tiô pơkâ. Kuăn pơlê ngin xuân athế rak vế tro luât prôk troăng’’.

Trung tá Nguyễn Viết Hải-Kăn pho\ ngăn [ơrô kán sat gak ngăn troăng prôk kong pơlê kong pơlê Dak Lak tối ăm ‘nâi, roh ki gak ngăn ‘na troăng prôk drô troăng kân tiô tơdroăng pơkâ thế dêi Khu xiâm ngăn Ko\ng an, khu kán sat gak ngăn troăng prôk ko\ng an kong pơlê Dak Lak hiăng mơ’no tâi tâng kơxo# mơngế kán sat gak ngăn plâ hâi plâ măng a mâu tíu ki gak ngăn drô troăng kân kơxo# 14, troăng kân Hồ Chí Minh, troăng kân kơxo# 26, 27 [ă mâu troăng kong pơlê.

Rơtế [ă tơdroăng séa ngăn ‘na tơdroăng mơdró ‘na pơto chơ mơngế, chơ kế tơmeăm, mâu troăng hơlâ ki vâ rak vế tơniăn tung hnoăng cheăng chơ pơto kế tơmeăm, mê khu râ pơkuâ ngăn ối tơru\m cheăng séa ngăn mâu kih thuât, kơmăi ki plong hyôh, túa ki séa ngăn, rup tơleăng mơngế ki kơtâu rơxế ki ai xôi, malối [ă mơngế ki xúa ma tu\i, al-côl, kơtâu lối têi, prôk ôh tá tro troăng, kơ’nuâ vâi hmâng to lo vâ, vê rơxế pơtăng hên h^n, ôh tá xo muâk [ă hên mâu tơdroăng ki ê. Klêi kơ’nâi péa măng t^ng ăm mâu kán sat gak ngăn drô troăng, tơdroăng kring vế rak ngăn, rak ngăn tơniăn troăng prôk.

‘’Tung plâ 15 hâi hiăng luâ, khu kan sat gak ngăn troăng prôk, ko\ng an kong pơlê Dak Lak hiăng chêh pro hlá mơ-éa pơxâu phak lối 2 rơpâu 800 ngế ki ai xôi, rup râng lối 780 toăng rơxế tu\m túa, pơxâu phak 2 rơpâu 400 ngế ki vê rơxế kơtâu drô troăng [ă kơxo# liăn lối 2 rơtal 700 rơtuh liăn. Vâ pêi pro châ tơ-[rê tâ nếo tơdroăng kố, la ngiâ kố ah, Khu ko\ng an kong pơlê Dak Lak pơtối pêi pro kơtăng khât tơdroăng rak ngăn troăng prôk a tâi tâng mâu troăng prôk ki xiâm, tơdrêng amê, kơhnâ tung hnê tối troh mâu kuăn pơlê vâ vâi thăm mơdêk dêi tuăn hiâm hbrâ rơnáu tung prôk lăm drô troăng’’.

Tuấn Long chêh

Nhat Lisa tơplôu [ă tơbleăng