VOV4.Sêdang - Tiô tơdroăng ing Khu hnê mơhno hbrâ mơdât COVID 19 kong pơlê Dak Lak, kơxo lơ 19/7, kong pơlê kố hiăng châ hlo tơ’nôm 2 ngế yương tĭnh ƀă SARS-CoV2 a tơring Ea H’leo. Péa ngế kố cho Q.C.T ƀă L.T.H, rơtế ối a thôn 2B, cheăm Ea H’leo, tơring Ea H’leo. Tŭm péa ngế rơtế nhŏng o tung môi rơpŏng, ƀă nếo vêh ing pơlê kong kân Hồ Chí Minh.

Test rĕng mâu ngế F1 tơdjâk troh 2 ngế ki nếo châ hlo tro tâ pơreăng

Tiô khăm ngăn, klêi kơ’nâi test rĕng SARS-CoV2 a Hngêi pơkeăng Thủ Đức, Pơlê kong kân Hồ Chí Minh ăm hlo âm tĭnh, tŭm 2 ngế kố to rơxế hon đa ing Pơlê kong kân Hồ Chí Minh vêh a Dak Lak. Drêng vêh troh a pơlê, tŭm 2 ngế châ khăm ngăn test rĕng ƀă ăm hlo yương tĭnh ƀă SARS-CoV2. Klêi kơ’nâi khăm ngăn a Hngêi pơkeăng Viê̆n vê̆ sinh dĭch teh Tây Nguyên xuân mơnhên tŭm T. ƀă H. pơrá yương tĭnh ƀă SARS-CoV2.

A Sa Ly tơplôu ƀă tơbleăng