Tiô tơdroăng tối a hneăng hôp, troh nôkố tung kong pơlê Dak Lak ai tâi tâng kơxo# liăn che\n xua tơdjâk ing tâ tú dêi pơreăng Covid-19 a mâu hngêi rak liăn ai 19 rơtal 579 rơtuh liăn, châ 10,5% tâi tâng kơxo# liăn che\n. Tung mê, ki rơlối che\n mung dêi hngêi rak liăn châ  26%; mâu kơvâ tê mơdró, pơtê ối, ôu kâ châ 31%; ki u ối cho mâu tơdroăng tê ăm kong têa ê, mơjiâng hngêi trăng, tê mơdró ‘na hngêi trăng, tơnêi tơníu, pêt kong, ‘na rơxê kơtâu, on tơhrik [ă hên ki ê.

Vâ kum mâu ngế, mâu hngêi rak liăn a Dak Lak xuân hiăng pro mơdon há khế hơnăm tơvêh che\n ăm vâ chê 1.100 ngế tơmối, tâi tâng kơxo# liăn ối che\n lối 1.100 rơtal liăn; kơdroh liăn mung ăm lối 9 rơpâu 300 ngế, [ă tâi tâng kơxo# liăn ki rơlối che\n ai 6 rơpâu 841 rơtal liăn. Pak^ng mê, mâu hngêi rak liăn xuân ăm mung nếo vâ chê 16 rơpâu ngế nếo, tâi tâng kơxo# liăn ăm mung ai 9 rơtal  557rơtuh liăn.

Veăng hôp, pôa Vũ Quốc Hùng, Kăn xiâm ngăn ‘na ăm mung liăn Hngêi rak liăn Tơnêi têa Việt Nam tối, tơdroăng tơbleăng kơxo# 01 dêi mâu hngêi rak liăn a Dak Lak cho tro. Mâu hngêi rak liăn hiăng pêi cheăng tơ-[rê ‘na ‘mâi mơnhông, pro mơdon khế hơnăm tơvêh che\n, kơdroh liăn tơkâ ki ăm mung [ă tơku\m ăm mung teăm tơdrêng, tơ-[rê.

Hngêi rak liăn a Dak Lak kum mâu khu mơdró klêi ai pơreăng tâ tú

Tơdroăng pâ thế dêi mâu khu mơdró a Dak Lak tung mê ai tối mơdêk kơxo# liăn mung, kơdroh pro hlá mơ-éa, hâi ki ăm mung liăn, pôa Vũ Quốc Hùng ăm ‘nâi, kố xuân cho tơdroăng púi vâ tơchoâm dêi mâu khu mơdró tung lâp tơnêi têa. Tơdroăng kố dế châ Kăn xiâm ngăn hngêi rak liăn Tơnêi têa Việt Nam hnê mơhno pêi kơtăng khât ăm mâu hngêi rak liăn thế pêi pro:

‘’Ngế xiâm pơkuâ hngêi rak liăn Tơnêi têa hiăng hnê mơhno ăm mâu hngêi rak liăn thế pro tơ’lêi hlâu ‘na hlá mơ-éa ăm mung sap ing tơbleăng kơxo# 01 [ă vâ kuăn pơlê re\ng châ mung liăn. Drêng hâi ‘nâi nhên ki tơdjâk dêi pơreăng Covid-19 mê mâu hngêi rak liăn tơhrâ ai 250 rơpâu rơtal liăn ăm mung, la nôkố tơdjâk troh kân mê hiăng ăm mung lối 1 rơtuh rơtal 600 rơpâu rơtuh liăn. Tơdroăng ki ai hên kơxo# liăn mung mê ôh tá tô tuăn, Hngêi rak liăn tơnêi têa xuân hnê mơhno mâu hngêi rak liăn séa ngăn troăng hơlâ tê mơdró mê kô k^, [ă liăn tơkâ a kơlo kơdroh apoăng ai 0,6 – 2,5% tung hơnăm’’.

Tiô Khu ngăn ‘na mơdró kong pơlê Dak Lak tối, xua pơreăng Covid-19, mâu tơdroăng tê mơdró a Dak Lak tro tơdjâk tâi tâng, lối 350 khu mơdró a kong pơlê hiăng thế pơtê cheăng. Pôa Dương Thanh Tương, Kăn xiâm hnê ngăn khu mơdró kâ Dak Lak tối tiah kố, maluâ  hngêi rak liăn a Dak Lak hiăng mơdêk re\ng tơdroăng veăng kum liăn ăm khu mơdró tiô hnê mơhno 01, la mâu khu mơdró xuân ối trâm hên xahpá ‘na liăn  mung. Pôa Dương Thanh Tương tối 3 troăng hơlâ vâ mơnhông mơdêk khu mơdró tung la ngiâ:

‘’Má môi, kal thế ăm hên kơxo# liăn kum khu mơdró châ mung liăn vâ pêi cheăng tê mơdró, pêi chiâk deăng. Má péa, hên khu mơdró pơtối vêh pêi cheăng nếo mê tơdroăng nâp hnoăng liăn mơhá, liăn nâp ki kô ki mê, nâp [aoh hiêm kô hrá, mê pâ thế Vi [an kong pơlê ai pơkâ troăng hơlâ kơjo kum. Mơ’nui ngin púi vâ hngêi rak liăn tơnêi têa hnê mơhno ăm hngêi rak liăn a Dak Lak mơdêk tơdroăng séa ngăn hồ sơ, re\ng ăm khu mơdró mung liăn vâ vâi ai liăn mơnhông pêi cheăng kâ‘’.

‘Na tơdroăng pâ thế dêi mâu khu mơdró, kăn hnê ngăn Vi [an kong pơlê Dak Lak ăm ‘nâi, kô tơmâng xo [ă mâu khu râ kơvâ cheăng vâ tơru\m re\ng tơleăng mơnhên tung la ngiâ. Tâng luâ kơpêng kong pơlê kô pâ thế Chin phuh veăng kum.

Tuấn Long chêh

Gương tơplôu [ă tơbleăng