Mâu ngế teăng mâ hiăng tơku\m tơpui tơno mâu tơdroăng ki xiâm ‘na hnoăng cheăng tối pơtâng cheăng kal kí [ă túa pêi pro dêi Hneăng hôp kân, séa mơnhên ki tơ-[rê dêi roh pêi pro tơdroăng pơkâ Hneăng hôp kân Đảng [o# kong pơlê roh má 16, hneăng hơnăm 2015-2020; ki xiâm, kơlo cheăng xiâm [ă pơkâ pêi pro vâ mơnhông hneăng 2020-2025; mâu khu hnoăng cheăng, troăng hơlâ; pơkâ mơnhông [ă hnoăng cheăng xiâm.

‘Na ki xiâm dêi tơdroăng tối pơtâng cheăng kal kí dêi hneăng hôp ki hên, mâu ngế teăng mâ hiăng rah xo tơdroăng cheăng xiâm ‘’Thăm mơdêk ivá cheăng, ivá pơkuâ ngăn, ivá tơplâ dêi Đảng [o#; pơtối mơdêk ivá cheăng tung tơru\m pơla mâu hdroâng kuăn ngo; tơku\m mơnhông pêi cheăng kâ - rêh ối pơlê pơla re\ng, krá tơniăn; kring vế tơniăn tơdroăng kring vế - gak ngăn; mơjiâng kong pơlê Dak Lak kro mơdro\ng, rak vế mơhno túa le\m tro, tơxâng cho tíu xiâm kơpong Tây Nguyên’’.

Tung mê, mâu ngế teăng mâ pâ thế pro mơnhên hnoăng cheăng ‘’Tơxâng cho tíu xiâm kơpong Tây Nguyên’’ i nhên tâ, kal athế pro mơnhên ‘’Tíu xiâm’’ mê cho ki klâi, Tíu xiâm ‘na kơpho# lơ Tíu xiâm ‘na pêi cheăng kâ – pêi lo kế tơmeăm – Mơhno túa le\m tro – Rêh ối pơlê pơla dêi kơpong. ‘Na troăng hơlâ pêi pro dêi Hneăng hôp kân mê cho rơkong tơpui tối plâ hneăng ki ton châ 5 hơnăm, sap hơnăm 2020-2025. Xua ti mê, kal athế pơkuâ djâ tơdroăng cheăng ki ru\m môi tuăn, tơdrêng, ôh tá ngăn tơdroăng ki ê ga ku\n.

Mâu ngế teăng mâ xuân hiăng tối nhên, troăng hơlâ ki mơnhông pêi cheăng kâ - rêh ối pơlê pơla dêi kong pơlê Dak Lak tung hneăng ki nếo, [ă hnoăng cheăng xiâm ki kal ai tơdjâk troh ki vâ mơnhông dêi kong pơlê mê cho pêi chiâk deăng, pêt loăng mơjiâng kong. Pôa Dương Thanh Tương, Kăn hnê ngăn Ho#i đong hnê mơhno pêi pro tiô hiâm mơno kuăn pơlê pói vâ, hnê ngăn ‘na luât [ă pêi cheăng kâ, ối tung Vi [an Măt tra#n tơnêi têa Việt Nam kong pơlê Dak Lak hiăng pâ thế, tơdrêng [ă tơdroăng pêt mơjiâng hdrê loăng ton hơnăm ki pêi lo liăn hên, mê kong pơlê xuân kal athế rah xo hdrê loăng plâi mak ka mot tung pêt mơjiâng loăng vâ pêi lo liăn ngân [ă rak vế hyôh kong prâi krúa le\m.

‘’Á pâ thế, tung pơkâ pêt mâu hdrê loăng, pak^ng loăng kơphế, tiu [ă mâu hdrê loăng ki ê, mê kal athế rah xo loăng plâi mak ka mot tung troăng hơlâ mơnhông [ă pêi lo liăn ngân, mơdêk rêh ối pơlê pơla dêi kơpong kong pơlê Dak Lak. Xua loăng plâi mak ka cho hdrê loăng ki chiâng pơxúa hên tơdroăng, cho loăng ki vâ mơdât ki tô mơdrăng khăng khoăng, xuân cho loăng ki mơjiâng kong, kơdroh kơklêa kơtiê xahpá, mê xuân cho hdrê loăng ki tê châ lo liăn hên ăm kuăn pơlê’’.

Hên mâu kăn teăng mâ xuân tối ăm ‘nâi, mơnhông tơdroăng po rơdâ troăng prôk cho ki kal xiâm vâ mơdêk tơdroăng pêi cheăng kâ, pêi lo kế tơmeăm. Tơdrêng amê, tơdroăng ki hnê mơjiâng mơngế ki rơkê, khu kăn [o# ăm kong pơlê xuân kal athế to\ng kum [ă chêh tơ’mot tung hlá mơ-éa. Pôa Võ Tấn Tài, Kăn pho\ hnê ngăn Ho#i đong ‘na mơhno túa le\m tro, hnê hriâm, rêh ối pơlê pơla, ối tung Vi [an Măt tra#n tơnêi têa Việt Nam kong pơlê Dak Lak ai tối:

‘’Khu pơkuâ ngăn Đảng kong pơlê xuân hiăng ai mơ’no tơdroăng tơkêa vâ mơhno tối tơdroăng ki hơ’leh ‘na ki dâi le\m dêi pêi cheăng kâ - rêh ối pơlê pơla dêi kong pơlê Dak Lak, môi tiah tơdroăng tơkêa bro mơjiâng troăng prôk kân {uôn Ma Thuột – Nha Trang. Pin xuân ai tơdroăng tơkêa pêi mơjiâng troăng kân {uôn Ma Thuột – Liên Khương dêi kong pơlê Lâm Đồng. Klêi mê, pin ‘mâi rơnêu i kân tâ nếo Hngêi trung Đại học Tây Nguyên.

Á hlo kal athế ‘mâi mơjiâng thăm hngêi trung Đại học {uôn Ma Thuột cho hngêi trung đại học kân má péa dêi kong pơlê Dak Lak [ă khu hngêi trung kao đăng, malối cho hngêi trung kao đăng hnê tơdroăng cheăng pêi. Ki má pái nếo, tơdroăng mơjiâng {uôn Ma Thuột chiâng kơpho# xiâm dêi kơpong Tây Nguyên tiô tơdroăng pơkâ Mơgêi 67 dêi Khu xiâm ngăn ‘na cheăng kal kí, mê cho hnoăng cheăng tơchôam dêi lâp kong pơlê, kal athế chêh tối tung hlá mơ-éa kal kí’’.

Xuân ai tơdjâk troh ‘na tơdroăng ki khu kăn pơkuâ, cho mâu kăn [o# [ă mâu ngế cheăng, jâ H’Giang Niê, Kăn pơkuâ hnê ngăn Đoân droh rơtăm kong pơlê tối tiah kố, cho môi kong pơlê ki ai hên hdroâng kuăn ngo dêi kong pơlê Dak Lak mê tơdroăng ki mơnhông khu kăn [o# cho hdroâng kuăn ngo kal athế to\ng kum mơnhên khât ‘na tơdroăng ki vâ mơ’no liăn mơnhông [ă séa mơnhên ngăn i khât tung tơdroăng pơkâ hneăng ki mê.

‘’Tung mâu hơnăm achê pơla kố; tơdroăng ki rah xo mâu kăn [o# cho hdroâng kuăn ngo cho môi tơdroăng ki pin kal athế to\ng kum ngăn khât hên tâ mê nếo vâ ai troăng hơlâ ki mơnhông [ă hnê mơhno ăm rơxông nếo nôkố, kal athế chêh tối tung hlá mơ-éa vâ séa mơnhên ngăn tơ’nôm ‘na tơdroăng ki mơnhông tăng rah mơngế cheăng, malối, cho kăn [o# hdroâng kuăn ngo ki iâ mơngế. Prôk tơdrêng [ă mơnhông mơngế cheăng ki pin kal athế séa mơnhên ngăn tro tiô kơ tơdroăng hơ’leh cheăng tung kơvâ pơkeăng [ă khăm pơlât, ki rơhêng vâ tối cho khu [ok thái pơkeăng ing hngêi pơkeăng mơnhên troăng hơlâ ki tơtro khât. Pin athế rak vế mâu troăng hơlâ ki tơdrêng vâ pro ti lâi ăm ga pơtối rak vế, [ă rế tơ’mot hên mâu ngế ki pơkuâ ngăn tung kơvâ ngăn ‘na pơkeăng [ă khăm pơlât vâ kring vế rak ngăn ivá châ chăn kuăn pơlê tung kong pơlê kố’’.

H’Xíu H’Mok chêh

Nhat Lisa tơplôu [ă tơbleăng