VOV4.Sêdang - Hiăng 1 khế kô riân sap ing hok tro a Dak Lak rêm râ vêh hriâm nếo klêi kơ’nâi ai pơtê ton hâi tơplâ mơdât pơreăng Covid-19, la troh nôkố ai hên hok tro xuân hâi vâ lăm hriâm. Tiô khu ngăn hnê hriâm [ă hnê tuăn ngôa rơkê kong pơlê Dak Lak, lâp tung kong pơlê xuân ối ai 260 ngế hok tro hâi vâ lăm hriâm mơhé hiăng châ môi khế riân sap ing Khu xiâm ngăn hnê hriâm kong pơlê tơbleăng thế lăm hriâm nếo.

Hên mâu hok tro pơtê hriâm khu râ má pái [ă hngêi trung giáo dục thường xuyên, rơpo\ng hngêi trâm pá, pơtê hriâm vâ lăm pêi cheăng hơngế, tăng liăn kum nôu pâ. Xua mê, tơdroăng mơhnhôk vâi o vêh lăm hriâm nếo a hngêi trung trâm hên xah pá. Tiô pôa Phạm Đăng Khoa, Ngế xiâm pơkuâ ngăn hnê hriâm [ă hnê tuăn ngôa rơkê kong pơlê Dak Lak tối, tơdrêng [ă tơdroăng mơhnhôk mâu vâi o vêh hriâm nếo trâm hên tơdroăng xahpá, tơdrêng [ă tơdroăng pơtối tơbleăng mâu troăng hơlâ pro tơniăn ‘na tơdroăng hnê hriâm [ă hriâm tiô tơdroăng ki nếo dêi Khu xiâm ngăn hnê hriâm [ă hnê tuăn ngôa rơkê, mâu hngêi trung tung kong pơlê dế mơdêk tơdroăng hnê tối, mơhnhôk mâu hok tro lăm troh a hngêi trung vâ pơtối rak kơxo# mơngế hriâm, mơdêk tơdroăng hnê hriâm, mơ-eăm pê klêi hnoăng cheăng hnê hriâm tung hơnăm.

Gương tơplôu [a\ tơbleăng