VOV4.Sêdang - Yă kơphế pơtối chu kơdroh, kơxo# liăn ‘no rế hía rế hên, tung pơla mâu ngế ki cheăng krí kơphế dế ôh tá ai tơ’nôm [ă hên tơdroăng ki ê cho xiâm kối pro hên kuăn pơlê ki pêi chiâk pêi deăng Dak Mil, kong pơlê Dak Nông krí kơphế tiô túa ‘’krí ối drêh, tê ối drêh’’.

Xua ôh tá ai mâu ngế cheăng krí kơphế, mê nôkố mâu ngế ki pêt kơphế a Dak Mil mung mâu ngế krí hên tiô túa hiăng pơcháu. Yă mơhá ăm mâu ngế krí sap ing 1 rơpâu troh 1.300 liăn/kg plâi ối drêh, laga tiô [ăng chiâk rơnâk lơ tơbăng. Krí tiô [ăng pơcháu môi tiah kố ai pơxúa ăm mâu ngế ki krí, xua rêm hâi 1 ngế krí châ 300 – 350 rơpâu liăn tơngi klêng, la kuăn pơlê ki pêi kơphế ôh tá châ pơxúa xua kơxo# liăn mơhá gá hên.

Tiô kuăn pơlê ki pêi chiâk deăng pêt kơphế tối: ‘’Tâng riân tâi tâng kơxo# liăn ‘no roê phon rơvât, pơkeăng xôh kơdê oâ hdrong, hâi po nhâ, rak ngăn tung plâ 1 hơnăm mê [ă yă kơphế môi tiah nôkố ôh tá châ liăn tơkâ’’. Lâp tơring Dak Mil nôkố ai dâng 22 rơpâu ha kơphế. Nôkố, kuăn pơlê tung tơring hiăng krí xo dêi kơphế.

Katarina Nga tơplôu [ă tơbleăng