VOV4.Sêdang - Kơxê lơ 14/7, a Kŏng an kong pơlê Dak Nông, Khu xiâm Kŏng an tơkŭm po leh tơbleăng Pơkâ dêi Kăn xiâm Kŏng an ‘na tơdroăng cheăng kăn ƀô̆. A rôh leh, Trung tươ̆ng Trần Quốc Tỏ, Ngế xiâm phŏ Kŏng an hiăng pơcháu hlá mơ-eá Pơkâ dêi Ngế xiâm pơkuâ kŏng an ăm Đăi tă Bùi Quang Thanh, Kăn phŏ pơkuâ Kŏng an kong pơlê Quảng Bình xo pêi hnoăng cheăng pro Kăn xiâm pơkuâ kŏng ăn kong pơlê Dak Nông.

Dak Nông ai Kăn pơkuâ kŏng an kong pơlê ki nếo

Tơpui a hâi leh, trung tươ̆ng Trần Quốc Tỏ loi khât a hnoăng cheăng pêi ki nếo, tíu ối nếo, pôa Bùi Quang Thanh, Kăn pơkuâ kŏng an kong pơlê Dak Nông ki nếo rĕng xo pêi tơdroăng cheăng tung kong pơlê, tơdroăng cheăng, rĕng teăm rơtế ƀă khu pú hên dêi Đảng ủy, Khu kăn pơkuâ Kŏng an kong pơlê mâu kăn hnê mơhno mâu lêng kŏng an Dak Nông pê klêi hnoăng cheăng châ pơcháu, pro xiâm ki tơniăn, mơnhông cheăng kâ, rêh ối dêi kong pơlê Dak Nông.

Gương tơplôu ƀă tơbleăng