To lâi hơnăm kố, hngêi trung mâm non Hoa Lan a cheăm Dak Rmăng, tơring Dak Glong cho môi tung mâu hngêi trung ôh tá tu\m hên thái cô má môi dêi tơring Dak Glong. A mâu hơnăm hriâm hdrối, hngêi trung ai 9 to lâm xua mê rêm ngế kăn [o#, mâu thái cô thế hnê 2 troh 4 to lâm. Hơnăm kố, pá puât tâ nếo drêng hngêi trung bu ai 3 [iên che# cô laga hnê troh 12 lâm.

Cô Dương Thị Hằng, Ngế pơkuâ Hngêi trung mâm non Hoa Lan tối ăm ‘nâi: Pá puât kân dêi hngêi trung nôkố cho ai troh 4 tíu hnê, tung mê, thái cô ôh tá tu\m. Tiô pơkâ, hngêi trung nôkố kal 21 ngế cô ối tâng hnê a lâm. Ôh tá ai cô xua mê apoăng hơnăm hriâm, hngêi trung hiăng mơhnhôk tâi mâu ngế pêi cheăng tá kăn [o# pơkuâ, mâu ngế pơrá thế rak ngăn vâi hdrêng. Xua mê, hơnăm kố, tung tâi tâng 359 ngế hok tro, hngêi trung bu chiâng vâ hnê hok tro ki 5 hơnăm, ối lối 250 ngế vâi hdrêng ing 3 troh 4 hơnăm kô ôh tá chiâng vâ mot hriâm tung hngêi trung.

‘’Hdrối nah, hngêi trung ai 12 lâm tiô troăng hơlâ dêi tơring Dak Glong mê ai 9 ngế cô k^ tơkêa hnê, xua mê apoăng hơnăm nếo ngin ôh tá ai ivá vâ rah xo tâi tâng mâu hok tro. Hngêi trung xuân hiăng ăm cô hnê 2 to lâm tung môi hâi, [a\ kăn [o# pơkuâ ai tá á [a\ cô pho\ pơkuâ 4 to lâm, pêi cheăng tâi ivá vâ kơjo ăm hok tro 5 hơnăm châ hriâm’’.

{a\ a hngêi trung mâm non Sơn Ca ối a cheăm Quảng Sơn, tơring Dak Glong, rơtế [a\ ôh tá tu\m 13 ngế cô ối tâng hnê a lâm, hngêi trung ối kal 4 kơbong vâ hriâm ăm lối 400 ngế hok tro tung hơnăm kố.

Cô Trần Thị Sâm, cô pơkuâ hngêi trung tối ăm ‘nâi:

‘’Ôh tá tu\m cô, ôh tá tu\m kế tơmeăm khoăng vâ hnê, tâng ăm hok tro châ troh a hngêi trung vâ tơniăn hnoăng ăm mâu muăn mê ôh tá tu\m kế tơmeăm khoăng vâ hnê, ôh tá tu\m thái cô mê thế pro lâm tơru\m chiâng môi, môi lâm xuân ai sap ing 40 troh 50 ngế hok tro, tiah mê kô tơdjâk troh ki dâi le\m tung tơdroăng pơkuâ hok tro, péa tơdroăng pá puât mê hơnăm kố pơrá trâm’’.

Ing xêo dêi {ơrô hnê hriâm [a\ hnê mơjiâng tơdroăng rơkê tơring Dak Glong hơnăm 2019 – 2020 lâp tơring ai 5.632 vâi hdrêng tro hơnăm troh hngêi trung. Mâu hơnăm hdrối, bu tâk dâng 1.000 ngế vâi hdrêng laga hơnăm kố tâk châ péa xôh. Xua ôh tá tu\m kế tơmeăm [a\ cô hnê, mê tơring bu mơhnhôk châ dâng 4.000 ngế vâi hdrêng troh hngêi trung.

Tiah mê kô ai dâng lối 1.600 ngế vâi hdrêng tro hơnăm laga ôh tá châ troh hriâm a hngêi trung. Lâp tơring Dak Glong nôkố ối kal 450 ngế thái cô a mâu râ hriâm. Tung mê, râ mâm non ối kal hên má môi 306 ngế cô.

Pôa Đoàn Văn Phương, Kăn pơkuâ {ơrô hnê hriâm [a\ Hnê mơjiâng tơring Dak Glong ôh tá ‘nâi pro ti lâi: Mơhé ‘nâi hnoăng dêi vâi hdrêng laga kơvâ hnê hriâm ôh tá ‘nâi pro ti lâi, ôh tá khên mơhnhôk vâi hdrêng troh a lâm, bu kơjo vâi hdrêng 5 hơnăm vâ pơtối hnê hriâm. Nôkố tơring dế tơku\m tu\m mơngế vâ mơjiâng nếo tơ’nôm 80 kơbong hriâm mâu râ xua mê ôh tá tu\m kơbong hriâm kô kơdroh. Laga, pá puât má môi cho tơdroăng ôh tá tu\m thái cô.

‘’Tơdjâk troh kế tơmeăm khoăng hnê hriâm mê tơring kô chiâng tơleăng, tâng ai cô hnê mê kô rah xo hok tro vâ hriâm a mâu hngêi hôp tơdjuôm dêi thôn, lơ hngêi mung dêi kuăn pơlê mê xuân hnê, laga ôh tá tu\m cô mê pá puât ‘nâng. Drêng ai tơdroăng ôh tá tu\m cô mơhé hiăng ai troăng hơlâ laga kong pơlê xuân tá hâi pơkâ xing xoăng teăm tơdrêng vâ xing xoăng cô sap apoăng hơnăm. Xuân pói tơngah cho mâu râ pơkuâ pro tiah lâi vâ xing xoăng cô hnê hriâm’’.

Klêi kơ’nâi séa ngăn, kơxo# vâi hdrêng 3 troh 4 hơnăm tá hâi troh hngêi trung hriâm tơku\m a mâu cheăm Dak Rmăng [a\ Quảng Hòa, cho mâu cheăm pá puât dêi tơring Dak Glong. Ôh tá tu\m cô hnê pro vâi hdrêng tro hơnăm hriâm mâm non ôh tá châ troh hngêi trung hriâm cho thăm rế hên, pro pá ăm tơdroăng hnê [a\ hriâm tung mâu hơnăm pơtối mê nếo.

Hoàng Qui chêh

A Sa Ly tơplôu [a\ tơbleăng