VOV4.Sêdang - Kơxê lơ 13/7, Vi [an hnê ngăn kong pơlê Dak Nông tơru\m [ă {ơrô tê mơdró – Kong nge# Việt Nam VCCI tíu pêi cheăng a Đà Nẵng tơku\m po Hneăng hôp mơdêk kơlo ivá tơxup tơbriât râ kong pơlê PCI dêi kong pơlê Dak Nông hơnăm 2020. Tung hơnăm 2019, kơlo ivá tơxup tơbriât râ kong pơlê dêi Dak Nông châ 60.50 điêm, ối má 62/63 kong pơlê.

A hneăng hôp, mâu kăn hiăng tơpui leăng mơnhên tối ivá pơkuâ dêi Dak Nông, tung tơdroăng mê pơkâ mơ’no troăng ki vâ hơ’lêh kơlo PCI dêi kong pơlê tung la ngiâ. Tiah mê, kong pơlê kal tơku\m mơdêk khât tơdroăng ki hơ’leh chêh pro hlá mơ-éa, malối cho hlá mơ-éa ‘na nâp hnoăng liăn mơhá, liăn tơnêi tơníu, kơxo# liăn, kum khu mơdró kâ, hơ’lêh tơdroăng ki tơdrăng [ă hên ki ê.

Kăn pơkuâ kong pơlê Dak Nông pơkâ kho\m mơ-eăm ăm kơlo kơxo# dêi kong pơlê ối a khu ki chía vâ rơkê tung lâp tơnêi têa, mơ-eăm kô mơdêk tơ’nôm iâ hlái 3 râ tung tơdroăng ki châ pơtăng PCI hơnăm 2020.

Katarina Nga tơplôu [ă tơbleăng