VOV4.Sêdang - Hơnăm kố, kong pơlê Daklak pơkâ mơ’no pêt lối 2 rơpâu 300 ha kong. Laga, tơdroăng ki pêt loăng a kong pơlê kố ối hrá, bu nếo châ 21% vâ ngăn [ă pơcháu. Hương Lý, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối ‘na tơdroăng mê.

          Tung hơnăm 2016, Ko\ng ti pêi cheăng tiô rơnó Môi tung khu pêt kong Krông Bông hiăng châ pơcháu pêt ai 285 ha kong a cheăm Hòa Phong [ă cheăm Yang Mao, tơring Krông Bông. Dế kố hiăng vâ chê tâi rơnó mêi hngê, khu ki kố nếo klêt pêt lối tơdế tiô tơdroăng pơcháu. Pôa Bùi Quốc Tuấn, Kăn pơkuâ Ko\ng ti tối ăm ‘nâi, maluâ, tơdroăng pơkâ pêt kong hiăng châ kong pơlê pơcháu ton t^n a mâu hơnăm hdrối nah, la xua kong prâi ôh tá tơniăn, đi đo trâm tô mơdrăng ton, mê khoh pro tơdjâk troh tơdroăng pêt kong: Hơnăm kố, xua kong prâi tô mơdrăng a mâu cheăm, môi tiah cheăm Yang Mao troh nôkố kong mêi xuân tá hâi teăm hên, xua mê, klêi kơ’nâi văng nhâ, hlá pêi tơkôm to kong mêi vâ pêt kong. Ki pá má môi xua kong prâi tô mơdrăng mê khoh pro pá ăm tơdroăng pêt mơjiâng kong môi tiah mâu hơnăm hdrối mê hía nah tá troh nôkố ngin hiăng pêi pro klêi tơdroăng pêt kong xua ga vâ ăm loăng chiâng dâi le\m, pêt loăng athế klêi hdrối khế 9’’.

          Pak^ng kong tô mơdrăng khăng khoăng, ivá pêt loăng mơjiâng kong a kong pơlê Daklak xuân ối hrá, xua ai hên tơdroăng, môi tiah: Hnoăng rak vế ngăn kong [ă tơnêi pêt loăng dêi mâu kăn pơkuâ ngăn kong tá hâi teăm tơtro, kuăn pơlê ối tơbriât hdi tơnêi vâ pêi chiâk deăng xuân ối hên; tơdroăng mơhnhôk khu râ, kơvâ cheăng kâ, tê mơdró veăng ‘no liăn rôe hdrê loăng tá hâi tơ’lêi. Ki malối, ai mâu khu mơdró kâ ôh tá ai liăn mê khoh chiâng pá tung pêt loăng mơjiâng kong tro tiô tơdroăng hiăng pơkâ.

          Ki hlo nhên má môi, a Ko\ng ti pêi cheăng tiô rơnó môi tung khu ngăn ‘na pêt kong Ea Wy, tơring Ea Hleo. Hơnăm kố, Ko\ng ti châ pơcháu pêt 250 ha kong, tung mê, ai 200 ha kong châ kum liăn, 50 ha kong ki hơ’lêh pêt hdrê loăng. Rơnó pêt kong hiăng klêi la troh nôkố, khu ki kố nếo klêi pêt châ 90 ha. Pôa Phạm Tuấn Việt, Kăn pơkuâ ngăn Ko\ng ti tối ăm ‘nâi: Tung pơla pêt kong trâm hên tơdroăng pá, malối ‘na liăn ngân. {ă tơdroăng pêt kong tiô pơkâ 147, kơlo to\ng kum ai 3 rơtuh liăn 1 ha cho kơlo ki iâ, bu bê liăn rôe hdrê. Tơdroăng ki kuăn pơlê veăng pêi [ă Ko\ng ti vâ pêt loăng la xua ôh tá ai liăn mê khoh chiâng pêt bu iâ tiah mê. {ă tơdroăng ki ‘mâi pêt kong ki ôh tá dâi, hên khu pơkuâ cheăng ‘na rak ngăn kong tá hâi teăm nâp liăn, xua mê, kong pơlê ôh tá bê kơxo# liăn ki vâ xing xoăng ăm khu pêt kong’’.

          Tiô tơdroăng pơcháu, hơnăm kố, kong pơlê Daklak hiăng kêi pêt lối 2 rơpâu 300 ha kong. Troh nôkố, lâp kong pơlê nếo kêi pêt lối 490 ha, bu châ 21% ngăn [ă tơdroăng pơcháu. {ă túa ki pêi pro kố, Daklak kal athế kơdo mơ-eăm hên tâ mê nếo rơtế [ă mâu kong pơlê kơpong Tây Nguyên kho\m pêt châ lối 150 rơpâu ha kong tro tiô tơdroăng pơkâ thế dêi Ngế pro xiâm hnê ngăn Chin phuh ‘na ‘mâi pêt kong vâ kơdroh hyôh tô pơla sap hơnăm 2016-2020.

Nhat Lisa tơplôu [ă tơbleăng