Jâ Lưu Thị Huyền, ối a thôn 7, cheăm Hoà Đông, tơring Krông Pac\, kong pơlê Daklak ăm ‘nâi, tiô hmâ hlo a khế 11 [ă 12 rêm hơnăm, rơpo\ng hngêi jâ hiăng krí tâi dêi plâi kơphế a tơnêi rơdâ 1,2 hectar kơphế ki hiăng ai plâi. Klêi mê, kong pơxiâm vâ tô ton dâng 1 khế, loăng kơphế lo reăng tâi tâng, jâ nếo toh dêi têa rôh má 1 vâ pro tơ’lêi hlâu ăm loăng kơphế châ lo reăng tơdrêng môi hdrôh, hnối kơ’muăn plâi tơdâng tơ’mô. La tung rôh kố, jâ ôh tá châ rak ngăn tiô troăng hơlâ ki ton, xua sap ing khế 12 hơnăm 2016 troh nôkố, Daklak đi đo ai kong mêi, iâ kong tô, mê cho ki hên deăng pêt kơphế hâi châ ‘’têng khăng tơnêi ’’ pro ăm loăng vâ lo reăng, xuân hâi hbrâ tôh têa ăm loăng kơphế.  Tung pơla mê, xua tơdjak ing kong prâi mêi tô hmâng vâ tâi tâng deăng pêt kơphế hiăng lo reăng, la reăng tơpo ôh tá tơdrêng môi hdrôh, pro pá ăm tơdroăng rak ngăn. Jâ Lưu Thị Huyền, ăm ‘nâi:

‘’Hmâ hlo rêm hơnăm apoăng khế 1 hiăng tôh 1 hdroh, la hơnăm kố xua kong mêi tô hmâng vâ mê a pơla khế ki kố nếo tôh, gá xuân tơdjâk hên troh plâi kơphế’’.

‘Na rơpo\ng hngêi ngoh Nguyễn Đình Long, ối a pơlê kân Ea Pôc\, tơring C|ư Mgar, ai lối 4 hectar kơphế dế ai plâi, ăm ‘nâi, mâu hơnăm  hdrối nah, troh nôkố, rơpo\ng hngêi hiăng tôh têa rôh má 2 ăm kơphế. La hơnăm kố, kong mêi tô hmâng vâ, rơpo\ng hngêi hâi tôh dêi la kơphế xuân ối tơpo reăng ôh tá tơ’mô, mơni plâi ôh tá kơtóu hên, kô iâ tâ tâng vâ pơchông [ă hơnăm nah. Ngoh Nguyễn Đình Long tô tuăn:

‘’A hlo hơnăm kố kong mêi tô hmâng vâ, kong mêi hbrối [ă reăng ki tơpo ôh tá hên, nôkố hiăng khế 3 nếo tôh têa 1 hdroh rôh apoăng. Hơnăm kố kong prâi hơ’lêh pro reăng ki tơpo ôh tá môi tiah tơdroăng ki pin pói vâ [ă plâi kô oh tá kơtóu hên, rơpo\ng hngêi dế tô tuăn ‘nâng’’.

Tiô pôa Trương Văn Cao, Kăn pơkuâ ngăn ‘na pêi pêt hdrê loăng [ă ngăn ‘na pơkeăng xôh kơdê ôa hdrong tơring Krông Pac\ ăm ‘nâi: Hơnăm kố kong mêi ôh tá tro rơnó, tơdroăng mê pro tơdjâk troh tâi tâng mâu loăng plâi ki pêt, malối cho loăng kơphế khoh chiâng kơdroh plâi ki xo a hơnăm kơ’nâi. Kơvâ ngăn ‘na chiâk deăng hnê tối ăm kuăn pơlê hbrâ pêi pro mâu tơdroăng rak ngăn kơdrum, rơvât tu\m phon tiô rơnó loăng kố xông rơdêi vâ pôi tá tro ôa hdrong kâ ‘nhiê loăng plâi. La mơni plâi kơphế kô kơdroh tâ. Pôa Trương Văn Cao tối:

‘’Hơnăm kố xua kong mêi ton, ki tô hngiú rế chu, pro ăm reăng kơphế tơpo hmâng vâ, maluâ kuăn pơlê hâi teăm tôh la reăng kơphế hiăng tơpo [ă pro ăm kơ’muăn plâi iâ, xua mê kô pro ăm plâi kơphế ôh tá kơpâu hên, hnối tơdjâk ‘mêi troh plâi gá. Malối tơdroăng rak ngăn tôh têa xuân cho tơdroăng ki tô tuăn tâng vâ pơchông [ă rêm hơnăm. Rêm hơnăm nôkố kô hiăng tôh rôh má 2, má 3 xua mê tơdroăng kơphế lo reăng trâm drêng kong prâi ôh tá  tơniăn, pro ăm plâi kơphế bú chiâng kơ’muăn iâ tơdjâk rơnó la ngiâ’’.

 Gương tơplôu [ă tơbleăng