VOV4.Sêdang - Tung pơla 3 hơnăm achê kố, deăng pêt tiu tung lâp kơpong Tây Nguyên hiăng tâk tơ’nôm lối 20 rơpâu ha. Deăng pêt tiu dêi lâp tơnêi têa pin vâ chê 120 rơpâu ha, tung mê to kơpong Tây Nguyên [ă peăng mâ hâi lo pa hdroh châ lối 91%. Deăng pêt tiu kơdrâ tâk ó pro hên tơdroăng pá vâ ‘nâi hdrối ga tiah lâi tung la ngiâ. A Daklak, tiô pơkâ, troh hơnăm 2020, lâp tung kong pơlê bú pêt dâng 16 rơpâu ha tiu, la troh nôkố hiăng luâ 21 rơpâu ha. A Gialai, nôkố hiăng ai lối 13 rơpâu ha, luâ tâ tơdroăng pơcháu. A Daknông hiăng luâ tâ 4 hdroh tâng vâ pơchông [ă tơdroăng ăm phêp. Tơdroăng ki hên ngế tơxup po rơdâ tơnêi pêt tiu hiăng pro tiu a Tây Nguyên tâ pơreăng hên, lu\p kân ăm mơngế ki pêt tiu. Ki tô tuăn má môi, tơdroăng tơxup dêi rơpó pêt tiu môi tiah dế kố kô ai tơdroăng hên mơngế tê la mơngế rôe oh tá ai, pro yă chu rơpâ ó, ki tơ-[rê ‘na cheăng kâ xuân rế chu kơdroh.

Gương tơplôu [ă tơbleăng