VOV4.Sêdang - Kơxo lơ 24/6, a tíu pêi cheăng xiâm Chin phuh, pôa Vũ Đức Đam, Ngế pro xiâm phŏ hnê ngăn tơnêi têa, Ngế xiâm pơkuâ hnê mơhno tơnêi têa ‘na hbrâ mơdat COVID-19 hôp mơ’no tơdrêng tung um tơvi  ƀă mâu kăn kong pơlê Đồng Nai ‘na tơdroăng hbrâ mơdât pơreăng. Xông tơpui hnê mơhno a rôh hôp, pôa Vũ Đức Đam tối pơchân, Đồng Nai ai tíu ki achê Pơlê kong kân Hồ Chí Minh, thăm nếo ai tơdế rơtuh ngế kŏng nhân tung kơpong hngêi kơmăi, ai kơno tuk, achê ƀă Bình Dương, tâng lôi pơreăng châ mot “kô xơpá ó khât ‘nâng”, xua mê, thế séa ngăn nhên kơtăng mơngế ki lo ing Pơlê kong kân Hồ Chí Minh, Bình Dương troh Đồng Nai ƀă vêh nếo.

Ngế pro xiâm hnê ngăn tơnêi têa tối nhên: séa ngăn kơtăng ôh tá xê “Tât kroăng mơdât kơchơ”, mê kal thế mơdêk xúa kơmăi kơmok vâ séa ngăn mơdât mơngé prôk lăm. Ƀă mâu kŏng nhân, malối mâu ngế dế rêh ối a mâu tíu ki ê, pêi cheăng a mâu tíu mơdró tung kong pơlê Đồng Nai, xuân thế ai troăng hơlâ rak ngăn ai pơkâ hâi khế tơtro nhên ăm tơrêm hngêi kơmăi ki pêi cheăng.

Gương tơplôu ƀă tơbleăng