Drôu xiâm dêi hdroâng kuăn ngo Stiêng a tơring Bù Đăng, kong pơlê Bình Phước ga hmâ xăng ngeăm, kơnôm ti mê drêng râng triăng drôu, drêng pin ôu kô tâ têa drôu xăng ngeăm dêi kong kế, ngo ngối. Tâi tâng mâu kế ki xăng mế dêi hdroâng Stiêng ga hiăng chiâng ing pló ki vâi mơjiâng. Drêng bêng têa ki krúa tung vó, ngế ki ôu kô châ nhên ki xang le\m ngeăm ki tơviah dêi drôu mê.

Tung mâu roh leh mơd^ng dêi mơngế Stiêng, pak^ng idrâp chêng koăng, mâu túa kơhnhon xuâng tiô khôi vâi krâ roh nah mê ôh tá păng lôi drôu xiâm. Vâi krâ roh nah hmâ hơ’muăn tối tiah kố, vâ kum hdroâng kuăn ngo Stiêng châ ai tơdroăng ki hơniâp ro, sôk suâ klêi kơ’nâi châ pôe xo dêi báu, dêi tơdroăng ki pơkoăng o\ng mế, tơdroăng ki koh mơnê khu xeăng, môi tiah xeăng kong, xeăng têa, xeăng Lé Lon, cho khu xeăng kring vế mơngế Stiêng prôk lăm tung kong hiăng kum kuăn pơlê rơkê pế drôu xiâm, tăng xo mâu hlá, hmôa, rêi, kông loăng tung kong vâ pro pló, troh a tơvât pló [ă hmê, pôm vâ chiâng drôu xiâm, khoh ai hâi ki hơniâp ro. Ki rơhêng vâ tối a mâu hâi leh mơd^ng ki kân, drôu xiâm cho tơdroăng ki vâ tơpui tơno pơla kuăn pơlê [ă khu xeăng dêi mơngế Stiêng.

Ôu drôu xiâm dêi mơngế Stiêng

Mơngế Stiêng hmâ loi dêi tơdroăng rêh ối xuân u ối mâu tơdroăng ki xahpá, khéa kho, [ă ro rih, niân nok, kro mơdro\ng, xua mê, drêng vâi pế drôu xiâm xuân athế ai drôu ngeăm [ă drôu xăng. Maluâ ki ngeăm xăng ga xuân ối ai pơrá phá dêi pó, la ga xuân le\m, tơ’lêi vâ ôu.

Pế drôu xiâm ôh tá xê hlâu, kal athế pêi pro rơhí rơhó, ton chôu ton phut [ă kal athế ai hiâm mơno ki krâu khât vâ pế. Tâng pin pro drôu ôh tá ai hiâm mơno ki tơdrăng khât, mê ah, têa drôu ga xuân tá ti xăng ngeăm le\m, ôh tá tro [ă krôk ki pin vâ ôu. Vâ khoh chiâng ai môi xiâm drôu ki xăng ngeăm le\m, mơngế Stiêng hmâ tí tăng hlá, rêi loăng tung kong, klêi mê, pế hmê, tơvât pló, klup kơtum hmê ăm pló i xông. Tâng lôi drôu xiâm rế ton têa ga kô thăm rế xăng ngeăm. Klêi kơ’nâi triê têa drôu, drêng hlo têa drôu mot tiô triăng tr^ng prâp iâ, mê cho drôu ki xăng ngeăm le\m. Tơdroăng ôu drôu xiâm ki kal athế ai têa bêng, têa athế krúa le\m. Apoăng ôu, drôu kô xăng ngeăm le\m, kơ’nâi mê, ga vâ xêa i iâ, la pló drôu pro kuăn mơngế pôu la lâi xuân ôh tá ‘nâi hdrối.

Xuân chiâng vâ tối, drôu xiâm cho kế ôu ki vâ trâm pơla kuăn mơngế [ă khu xeăng kong [ă khu xeăng ki ê; cho tơmeăm khoăng, mơhno tối ki tơru\m krá kâk pơlê pơla [ă hiâm mơno hâk hlế kơ tơmối dêi mơngế Stiêng tung mâu roh ki phiu ro, sôk suâ tung leh mơd^ng. Lăm troh a Bù Đăng, lăm pôu mâu pơlê pơla dêi mơngế Stiêng, pin xuân chiâng châ triê môi péa hdroh drôu diâm, sôk phiu tung pơla idrâp chêng koăng xơtó, tơdroăng kơhnhon xuâng tiô khôi hmâ vâi krâ roh nah. Ing pló drôu ki xăng le\m dêi drôu xiâm mơngế Stiêng, cho tơmeăm ki mơhno tối hiâm mơno, túa rêh ối, vêa vong dêi Bù Đăng sap ing nah troh nôkố.

VOV5

Nhat Lisa tơplôu [ă tơbleăng