VOV4.Sêdang - Kơxê lơ 19/7, Khu hnê mơhno hbrâ mơdât pơreăng COVID-19 kong pơlê Gia Lai  môi tuăn tơdroăng pơkâ hbrâ tơdah 1.000 ngế kuăn pơlê lo ing Pơlê kong kân Hồ Chí Minh ƀă kong pơlê Bình Dương (Mâu tíu ki dế ai pơreăng COVID-19 tâ tú rơ-iô) vêh a pơlê. Mê kong pơlê Gia Lai kô tơdah 1.000 ngế kuăn pơlê tá mâu hiăng krâ, vâi hdrêng, mâu ngế châi tamo, mâu ngế xơpá ‘na liăn ngân, mâu ngế ôh tá ai cheăng pêi, mâu ngế hdroâng kuăn ngo, vâi kơdrâi dế mơ-êa. Kô chơ vâi ƀă tơ-ƀai ƀă ôtô.

Mâu kuăn pơlê ki mê rơpŏng vâi alâi kô tơdah xo ăm vâi vêh amê, la klâ krê tro tiô pơkâ. Hlo tơdroăng tâ tú rế rơ-iô dêi pơreăng COVID-19  a mâu kong pơlê ki achê, hlối ai hên ngế tâ COVID-19 nếo a kong pơlê xuân tâk rêm hâi, mê Gia Lai hiăng kĭch hoăt 21 tíu ăm klâ krê tơkŭm tung lâp kong pơlê, ƀă tâi tâng tơdroăng pơkâ ki vâ tơdah xo mơngế prếo vêh mê dâng 3.000 ngế.

Gương tơplôu ƀă tơbleăng