VOV4.Sêdang - Tiô tơdroăng ăm ‘nâi ing khu ngăn păn kơpôu ro chu [ă khu ngăn pơlât mơnăn kong pơlê tối, riân troh nôkố, mâu tơring, cheăm tung kong pơlê Gia Lai hiăng pâk hbrâ mơdât pơreăng vâ chê 350 rơpâu klo\ng pơkeăng vaccine mơdât hbáu mông tơlo\ng kơchuôp cheâng a kơpôu, ro chu, pê klêi 90% tơdroăng pâk vaccine tơku\m mơdât pơreăng ăm kơpôu, ro, chu.

Nôkố dế cho rơnó mêi, mâu kơpôu ro, chu a kong pơlê dế rế hngâ hên, mơngế păn tơkum\ rak ngăn [ă kơd^ng mơdrăn che\m ăm rơnó mơdrăng, vâ pôi tá tro pơreăng tâ tú a kơpôu ro, chu.

Hâi lơ 28/7, Vi [an hnê ngăn kong pơlê Kon Tum hiăng pơtroh hlá mơ-éa tơdrêng hnê thế kơvâ ngăn ‘na chiâk deăng [ă mâu tơring, pơlê kong kơdrâm pơkâ dêi hnoăng cheăng vâ hbrâ mơdât pơreăng hbáu mông, tơlo\ng kơchup chêng a kơpôu ro drêng hyôh kong prâi akố hiăng hơ’lêh.

Tiah mê, mâu khu râ thăm lăm ngăn, pâk ngăn mơheăm a mâu kơpôu ro, chu pu pái vâ ‘nâi lơ tro pơreăng lơ ôh, lăm ngăn mâu tíu ki kơdê, chêh, siê kơpôu ro, mơdât tơdroăng pơto chơ kơpôu ro, mâu hơ’nêh mâm ing kơpong ki tro tâ pơreăng vâ lăm tê.

Tơdrêng amê, hnối pơkâ thế kuăn pơlê pêi pro le\m tro ‘na tơdroăng pâk pơkeăng vaccine ăm kơpôu ro, vâ hbrâ mơdât pơreăng, mơdât mâu tíu ki tro tâ pơreăng djâ kơpôu ro lăm troh tíu ê, malối, hbrâ kơchăng [ă tơdroăng hbrâ pâk pơkeăng ahdrối ăm khu kơpôu ro a mâu tơring Đăk Hà, Sa Thầy [ă pơlê kong kơdrâm Kon Tum.

Thăm mơnhông ‘na tơdroăng hnê tối, hnê tơdjâ ăm kuăn pơlê hlê ple\ng tung hbrâ mơdât, kơdê pơreăng. Kho\m pơxâu phak kơtăng [ă mâu khu pơkuâ cheăng, mâu tơring, cheăm, mâu ngế ki kơtôa pơreăng, lơ hrá vâ tối tơbleăng tơdroăng ki ai pơreăng tâ tú, lơ ôh tá vâ pêi pro tro tiô tơdroăng hbrâ mơdât pơreăng, lôi pơreăng châ tâ tú hên troh tíu ê.

Nhat Lisa prế Gương tơplôu [ă tơbleăng