VOV4.Sêdang - Klêi kơ’nâi vâ chê 1 khế tơbleăng, Vi ƀan Măt trâ̆n Tơnêi têa Việt Nam kong pơlê Gia Lai hiăng tơdah xo châ lối 10 rơtal liăn tŏng kum sap ing mâu khu tơrŭm, mâu ngế krê kum vâ tơdjuôm ivá veăng kum ăm khu rak liăn hbrâ mơdât pơreăng COVID-19. Tiô Vi ƀan xiâm Măt trâ̆n tơnêi têa Việt Nam kong pơlê Gia Lai, klêi kơ’nâi vâ chê 1 khế tơbleăng, hiăng ai lối 200 tíu pêi cheăng, mâu khu tơrŭm rơtế ƀă hên hĭn kuăn pơlê veăng tơlo ƀă kơxô̆ liăn lối 10 rơtal liăn vâ hbrâ mơdât pơreăng COVID-19.

Mâu khu ki ai hiâm mơno hơ-ui kum ăm khu râng liăn hbrâ mơdât pơreăng COVID-19

Pakĭng tŏng kum liăn mâ vâ rơtế tơdjuôm ivá ƀă kong pơlê Gia Lai roê mâu kế tơmeăm xúa tung khăm pơlât kum ăm hnoăng cheăng hbrâ mơdât pơreăng, mâu khu ki ai hiâm mơno tŏng kum ối veăng kum hên kế tơmeăm môi tiah kế kâ, têa ôu, kên pâng môh rơkong ƀă hên ki ê ăm kơpong ki klâ ăm ối krê, mâu khu ki dế pêi hnoăng cheăng hbrâ mơdât pơreăng.

Katarina Nga tơplôu ƀă tơbleăng