VOV4.Sêdang - Kơxo lơ 28 khế 9, a pơlê kong kơdrâm Plei Ku, kong pơlê Gialai, Khu xiâm ngăn pơkeăng [ă khăm pơlât, Khu xiâm ngăn chiâk deăng [ă mơnhông mơdêk thôn pơlê tơru\m [ă kong pơlê Gialai po leh mit-ting môi tuăn hâi lâp plâi tơnêi hbrâ mơdât pơreăng kôk, rơxok. A tơnêi têa pin, rêm hơnăm châ hlo lối 400 rơpâu ngế tro chó, miếo kâ athế lăm pâk pơkeăng hbrâ mơdât. Ki hên cho a mâu hơnăm 2009 troh 2013, rêm hơnăm ai 100 ngế hlâ xua tâ pơreăng kôk, rơxok. Sap apoăng hơnăm troh nôkố, lâp tơnêi têa hiăng ai 41 ngế hlâ xua pơreăng kôk, rơxok, a mâu kong pơlê Nghệ An, Điện Biên [ă Gialai. Vâ pêi pro tiô tơdroăng pơkâ troh hơnăm 2020, Việt Nam ôh tá ai xếo pơreăng kôk, rơxoh, a roh leh mit-ting, Khu tơku\m po krếo thế mâu khu râ, kơvâ cheăng, khu pú hên [ă pơlê pơla tơdjuôm ivá hbrâ mơdât pơreăng kôk, rơxok tiô túa pâk pơkeăng vaccine ăm chó, miếo, hnê tối tơbleăng đi đo tung rơ’jíu, um tivi ‘na tơdroăng ki rơ-iô dêi pơreăng kôk, rơxok, túa ki hbrâ mơdât pơreăng kôk rơxok [ă hên tơdroăng ki ê.

Katarina Nga tơplôu [ă tơbleăng