VOV4.Sêdang - Tiô tơdroăng pơkâ thế dêi Chin phuh ƀă Khu xiâm ngăn pơkeăng ƀă khăm pơlât, Khu hnê mơhno hbrâ mơdât pơreăng COVID-19 kong pơlê, kơvâ ngăn pơkeăng Gia Lai dế pêi pro mơdêk tơdroăng ki pâk vaccine hbrâ mơdât COVID-19 rôh má 3 rak tơniăn pêi klêi túa pơkâ tung hâi lơ 18/6.

Rôh má 3, kong pơlê Gia Lai châ Khu xiâm ngăn pơkeăng ƀă khăm pơlât xoăng 27.800 klŏng vaccine xua COVAX Facility tŏng kum vâ tơbleăng pâk ăm mâu ngế ki châ kơjo kum ăm pâk. Tơdroăng ki pâk vaccine châ tơbleăng pâk a mâu Hngêi pơkeăng kân kong pơlê, Hngêi pơkeăng 331 ƀă tíu xiâm ngăn pơkeăng mâu tơring, pơlê kong kơdrâm.

Khu ngăn pơkeăng ƀă khăm pơlât hiăng pơkâ thế mâu hngêi pơkeăng, mâu tíu xiâm ngăn pơkeăng a kong pơlê rĕng mơdêk hnoăng cheăng pâk vaccine hbrâ mơdât COVID-19 tro tiô pơkâ dêi Chin phuh ƀă Khu xiâm ngăn pơkeăng.

Nga tơplôu ƀă tơbleăng