Rơpo\ng pôa Phan Van Quang, ối a thôn Yê Phú 2, cheăng Chroh Pơnan, tơring Phú Thiện, kong pơlê Gia Lai ai 3 ha pôm loăng. Mâu hơnăm hdrối nah, pôa pêt hdrê pôm loăng ki kuăn pơlê hiăng hmâ pêt pôm loăng xông dâi le\m tá ai tro klâi. La hơnăm kố, pôa hơ’lêh pêt hdrê pôm loăng ki ai châ, mê hlo lâp deăng pêt pôm hiăng tro pơreăng pro tơkru\n hlá. Hlá pôm loăng tơkru\n hlối rêa ai kơbong, kông tá kâi xông kân, la pôa mơjo vâ ko tah dêi, tơngah ai pôm dâng lâi híu xo dêi dâng mê:

‘’Hngêi á pêt 3 ha pôm loăng tro tơkru\n hlá, xuân hiăng vâ troh rơnó lâk xo pôm, la nôkố mơni pôm gá ôh tá ai châ, rơpo\ng hngêi á xuân mơ-eăm lôi dêi tiah mê, ai pôm dâng lâi híu xo dêi dâng mê, hmâ iâ lơ hên vâ híu xo dêi liăn ki hiăng ‘no pêt’’.

Pôm loăng tro pơreăng tơkru\n hlá

Xua pêt hdrê pôm loăng ki nếo, la hên kuăn pơlê a Gia Lai rôe hdrê ki hlo vâi tê hên. Tiô pôa Đỗ Hoàng Châu, Kăn pho\ hnê ngăn Vi [an cheăm Ia Tul, tơring Ia Pa tối, kố mơni cho xiâm ki pro chiâng ai pơreăng tơkru\n hlá pôm loăng nôkố hiăng tâ tú lâp cheăm:

‘’Mâu rơpo\ng ki mê ôh tá ai hdrê vâ pêt, hdrê ki pêt ôh tá bê mê a khế 4, khế 5 vâi nếo hlo rơxế chơ kông pôm lăm tê vâi rôe djâ pêt mê khoh chiâng tâ pơreăng tơkru\n hlá. ‘Na mâu rơpo\ng ki pêt hdrê pôm loăng ton ôh tá tro klâi’’.

Deăng pôm loăng tro pơreăng tơkru\n hlá dêi rơpo\ng pôa Phan Văn Quang

Pôm loăng tro pơreăng ki rơ-iô, la kuăn pơlê tơmiât ai pôm dâng lâi híu xo dêi dâng mê, vâ tối tâi tâng mâu rơpo\ng ki ai deăng pêt pôm tro pơreăng xuân lôi dêi ti mê, ôh tá ko tah môi tiah kơvâ ngăn ‘na chiâk deăng hnê tối thế prâu tah. Ing mê, pro pơreăng thăm rế tâ tú troh lâp lu tâ. Môi tiah a tơring Phú Thiện, pôa Bùi Trọng Thành, Ngế pơkuâ [ơrô ngăn chiâk deăng [ă mơnhông mơdêk thôn pơlê  ăm ‘nâi:

‘’Tơring hiăng thế mơdêk hnê mơhno ăm mâu khu pơkuâ cheăng veăng kum hnê tối kuăn pơlê ko tah, hdroh chôu lôi dêi pôm loăng ki tâ pơreăng nếo tối kơpêng mê. Pak^ng mê, hlối hnê mâu tơring cheăm rak tơdâng liăn ngân vâ hbrâ drêng kal, vâ to\ng kum ăm kuăn pơlê tro tiô tơdroăng pơkâ’’.

Pơreăng tơkru\n hlá tá hâi ai pơkeăng ki xôh kơdê [ă xiâm pôm loăng ki tâ tú pơreăng rế tâk hên

Tiô pôa Hà Ngọc Uyển, Kăn ngăn ‘na hdrê loăng plâi [ă pơkeăng xôh kơdế ôa hdrong kong pơlê Gia Lai, lâp tung kong pơlê nếo ai dâng 130 ha pôm loăng ki tro pơreăng tơkru\n hlá xua virus. La kố cho pơreăng nếo hlo tung hơnăm 2018 kố, ki tâ tú gá re\ng ‘nâng, hâi ai pơkeăng xôh kơdê, mơni kô tơ’lêi tâ tú lâp lu.

Xua mê, tơdrêng [ă tơdroăng hnê tối kuăn pơlê pôi tá rôe mâu hdrê ki hlo vâi tê hên, Gia Lai dế tăng troăng pêi pro mâu tơdroăng vâ mơdât pơreăng tâ tú:

‘’Mâu tơring xuân dế pêi pro, klêi hiăng mơjiâng khu hnê mơhno, klêi mê x^ng xoăng mơngế pêi cheăng, pơcháu hnoăng cheăng pêi, rơtế [ă tơdroăng cheăng pêi dêi tơrêm kơ koan ai pơcháu, tơru\m [ă mâu cheăm ki ai hlá pôm loăng tâ pơreăng mơjiâng tơdroăng pơkâ pêi.

Mơ-eăm troh lơ 30/10 ah kô ko tâi u ối lối 100 ha pôm loăng. Má pái, hnê mơhno ăm mâu kơ koan ngăn ‘na pêi chiâk xuân môi tiah mâu kăn cheăm tơring pêi tro tơdroăng lăm ngăn mâu drê loăng [ă mâu hdrê ki lo ing mâu kong pơlê ki ê djâ tê a kố vâ mơdât ôh tá ăm pơreăng châ tâ tú’’.

Gia Lai cho kong pơlê má 11 tung lâp tơnêi têa châ hlo ai pơreăng pro tơkru\n hlá pôm loăng. Pơreăng kố hiăng pơxiâm kâ ‘nhiê hên mâu deăng pêt pôm dêi kong pơlê. La tơdroăng ko tah pôm loăng xuân pêi pro hrá, tung pơla mê deăng pôm loăng rế tâ tú hên mơni kô tâ tú troh lâp tơring.  

Công Bắc chêh

Gương tơplôu [ă tơbleăng