(

 VOV4.Sêdang - Đảng ủy Khu pơkuâ ngăn lêng kong pơlê Gia Lai tơku\m po tơbleăng tơdroăng pơkâ kăn pơkuâ ngăn Đảng ủy Khu pơkuâ ngăn lêng kong pơlê, hơnăm 2015 – 2020. Tiô pơkâ kơxo# 1888 hâi lơ 18/6/2020 châ tơbleăng a hneăng hôp, Khu pơkuâ ngăn Đảng kong pơlê Gia Lai pơkâ ăm pôa Hồ Vă Niên, Kăn cheăng tung Khu pơkuâ ngăn Tíu xiâm Đảng, kăn pơkuâ ngăn Đảng, kăn pơkuâ khu kăn Kuo#k ho#i kong pơlê pro kăn pơkuâ ngăn Đảng ủy Khu pơkuâ ngăn lêng kong pơlê hơnăm 2015 – 2020.

Xông tơpui a rôh hôp, pôa Hồ Văn Niên ai tối tiah kố, Đảng ủy Khu pơkuâ ngăn lêng kong pơlê ai hnoăng cheăng kal khât tung pơkuâ mâu tíu cheăng tối tơbleăng tơ-[rê hnoăng cheăng kring vế kong pơlê, veăng kum mơdêk ki rơkê ple\ng, ivá tơplâ rak vế Tơnêi têa.

Pak^ng mê, pôa Niên xuân pơkâ thế, tung hneăng ki pơtối, Đảng ủy Khu pơkuâ ngăn lêng kong pơlê pơtối mơdêk mâu tơdroăng ki pêi klêi tung pơla hdrối kố nah; rơtế [ă dêi rơpó rơru\m pêi klêi hnoăng cheăng kal kí châ pơcháu.

Katarina Nga tơplôu [ă tơbleăng