VOV4.Sêdang - Hâi lơ 29/6, Hô̆i đong hnê ngăn kong pơlê Gia Lai hneăng má 12, hneăng hơnăm 2021 – 2026 hiăng pôk mâu inâi xiâm ối tung tơdroăng pơkuâ dêi Hô̆i đong hnê ngăn kong pơlê. Tiah mê, mâu kăn Hô̆i đong hnê ngăn kong pơlê hneăng 12 (hơnăm 2021 – 2026) hiăng tâ phĭu pôk mâu inâi dêi Hô̆i đong hnê ngăn kong pơlê, tung mê ai Kăn hnê ngăn Hô̆i đong kong pơlê, mâu kăn phŏ hnê ngăn Hô̆i đong kong pơlê, ngế pơkuâ ƀă phŏ pơkuâ mâu Khu Hô̆i đong hnê ngăn kong pơlê Gia Lai.

Pôa Hồ Văn Niên châ rah xo pro Kăn hnê ngăn Hô̆i đong kong pơlê Gia Lai hneăng 12

Klêi mê, ƀă kơxô̆ 70/71 kơtâ phĭu pôk, pôa Hồ Văn Nên, ngế cheăng tung Khu pơkuâ ngăn Tíu xiâm Đảng, kăn pơkuâ ngăn Đảng ủy, kăn pơkuâ Khu kăn Kuô̆k hô̆i kong pơlê Gia Lai hneăng má 14 châ pôk pro kăn phŏ hnê ngăn Hô̆i đong hnê ngăn kong pơlê hneăng má 12 (hơnăm 2021 – 2026). Pôa Võ Ngọc Thành, kăn pơkuâ ngăn Đảng kong pơlê, kăn hnê ngăn Vi ƀan kong pơlê Gia Lai hơnăm 2021 – 2026 vêh pro kăn hnê ngăn Vi ƀan kong pơlê hneăng hơnăm 2021 – 2026.

Tung 4 ngế kăn phŏ hnê ngăn Vi ƀan kong pơlê Gia Lai hneăng hơnăm 2021 – 2026, ai pôa Đỗ Tiến Đông, pôa Kpă Thuyên ƀă jâ Nguyễn Thị Thanh Lịch châ vêh pôk pro kăn phŏ hnê ngăn kong pơlê. Pôa Hồ Phước Thành, cho kăn pơkuâ Khu pơkâ ƀă ‘no liăn cheăng kong pơlê Gia Lai, châ pôk kăn phŏ hnê ngăn Vi ƀan kong pơlê ki nếo.

Katarina Nga tơplôu ƀă tơbleăng