VOV4.Sêdang - Hên pơlê cheăm dêi kong pơlê Gia Lai hiăng pêi pro klêi tơdroăng riân ngăn chêng koăng hơnăm 2020 [ă mâu tơdroăng ki chiâng tơviah khât, tiô tơdroăng chêh tối kơtăn kố ai 12 hơnăm, cho a hơnăm 2008 nah. {ă túa cheăng riân ngăn tro tiô khoa hok [ă ki nhên, ki tơ-[rê mê hiăng châ mơnhên tung tơdroăng ki tơtro khât ‘na chêng koăng tung pơlê pơla.

Tiô tơdroăng ki riân ngăn chêng koăng hơnăm 2020, tơring Ia Grai, kong pơlê Gia Lai dế nôkố ối rak vế 765 kơtum chêng, kơdroh 351 kơtum tâng vâ pơchông ngăn [ă hơnăm 2008. A 4 to cheăm peăng mâ hâi lu tơring, cho Ia O, Ia Chiă, Ia Khai [ă Ia Krai dế nôkố ối rak vế hên chêng koăng má môi. Maluâ kơtum chêng koăng kơdroh vâ chê 200 kơtum la cheăm Ia O xuân ối cho tíu ki rak vế, ‘măn chôu kơtum chêng koăng hên má môi dêi tơring ai 344 kơtum chêng, tung mê ai hên chêng kơnía.

 Pôa Nguyễn Khắc Hùng-Kăn pho\ [ơrô Mơhno túa le\m tro-Pơtâng ki nếo dêi tơring Ia Grai, kong pơlê Gia Lai tối ăm ‘nâi: ‘’Ai môi tơdroăng ki ‘ló hâk phiu drêng tơdroăng rêh kâ ối dêi kuăn pơlê hdroâng Jarai rế hía rế châ tơtêk, hên rơpo\ng hngêi tí tăng rôe kơtum chêng koăng, maluâ rơpo\ng hiăng ai to lâi kơtum. Ai mâu rơpo\ng ki ‘nâ hiăng mơ’no châ lối hr^ng rơtuh liăn vâ rôe mâu kơtum chêng koăng kơnía. {ă vâi, mê cho tơdroăng ki vêh mơnhên tối hnoăng cheăng dêi pơlê pơla’’.

Chêng koăng dế châ mâu pơlê cheăm rak vế krâu khât

Ai hên mâu tơdroăng ki khoh chiâng tơdjâk troh khu kơtum chêng koăng chiâng kơdroh tâng vâ pơchông ngăn [ă hơnăm 2008. Ki hdrối tâ, xua tá hâi teăm môi tuăn tung tơdroăng chêh tối kơtum chêng koăng hên iâ to lâi. Tơ’nôm amê nếo, hên rơpo\ng hdrối nah ai chêng konía la hiăng tro khu ‘mêi tong mê khoh chiâng ai tơdroăng ki mơni hmu\m kơ vâi ê, ai drêng ‘nâ vâi kơtôa dêi chêng koăng tung kí krâu khât, ôh tá ăm khu kăn [o# lăm êng, vâ riân ngăn, chêh tối.

A kơpong tơnêi Kông Chro, cho tíu ki ai hên kơtum chêng koăng ối má 3 tung lâp kong pơlê Gia Lai, tiô kơxo# ki chêh tối mơnhên a hơnăm 2008 nah ai 651 rơpo\ng. La mâu tơdroăng ki nếo chêh roh kố ối 538 kơtum. A mâu tơring ki ê a kong pơlê Gia Lai, kơtum chêng koăng xuân hiăng ai hên ki hơ’leh, rế hía rế iâ, ki nhên ga môi tiah tơring K[ang dế kố ối 690 kơtum, kơdroh châ 229 kơtum tâng pơchông ngăn [ă hơnăm 2008 nah. Krông Pa ai 407 kơtum, kơdroh 110 kơtum, Đức Cơ ai 215 kơtum, kơdroh 35 kơtum.

Tiô pôa Nguyễn Quang Tuệ - Kăn {ơrô ngăn ‘na tơmeăm khoăng, Khu ngăn ‘na mơhno túa le\m tro, ivá-ôm hyô kong pơlê Gia Lai tối, roh ki lăm riân ngăn kố, ti xê to xêo ngăn mê ối cho vâ mơnhên tối tơdroăng ki xúa, ki ối rak lơ ôh ‘na roh to\n chêng tơgôu koăng tung pơlê pơla. Ing mâu tơmeăm khoăng, tơdroăng pơtâng tối mê, kơvâ ngăn ‘na Mơhno túa le\m tro kô ai mâu troăng hơlâ tơdjâk vâ pơtối tơdjâ rak vế, ‘măn chôu mâu ki kơnía git dêi chêng koăng [ă tơdroăng mơđah to\n chêng tơgôu koăng tung kong pơlê.

Mâu pơlê cheăm dế nôkố hiăng ai hên troăng hơlâ pêi pro pơrá phá dêi pó vâ rak vế, chôu ‘măn chêng koăng xuân vâ mơđah to\n chêng tơgôu koăng. Maluâ ti mê, tiô hên pơlê cheăm, vâ tơdroăng rak vế tơtro tơdroăng [ă tơdroăng rêh ối kuăn pơlê, khu râ pơkuâ kal ai troăng hơlâ ki nhên vâ khoh châ pơtối chôu ‘măn, rak vế [ă xúa mâu tơmeăm khoăng ki mê.

Tiô pôa Nguyễn Quang Tuệ tối, ti xê bu vâ riân ngăn kơtum chêng koăng ối hên iâ, lơ ti lâi ê, mê cho vâ kal athế thăm mơdêk ki kơnía dêi chêng koăng cho tơmeăm khoăng ki kơnâ, ki git dêi kuăn pơlê ki dế chôu ‘măn, rak vế nôkố. Pak^ng mê, kơvâ ngăn ‘na mơhno túa le\m tro xuân kal athế pơ-ô pơ-eăng mâu rơpo\ng, pơlê pơla ki ối kơhnâ, krâu khât tung rak vế, chôu ‘măn chêng koăng ing tơdroăng ki lăm séa ngăn, riân ngăn roh kố.

Hlá tơbeăng Gia Lai

Nhat Lisa tơplôu [ă tơbleăng